رونالدۋدىڭ سۇيىكتىسى، ونىڭ ءتورت بالاسىن ماپەلەپ-تاربيەلەپ وتىرعان قالىڭدىعى دجوردجينا رودريگەس فۋتبولشىعا قولداۋ كورسەتتى دەپ جازادى Qamshy.kz اقپارات اگەنتتىگى شەتەلدىك باق-قا سىلتەمە جاساپ.
قىركۇيەك ايىنىڭ سوڭىندا 33 جاستاعى تانىمال فۋتبولشى كريشتيانۋ رونالدۋعا امەريكالىق كەترين مايورگتى زورلادى دەگەن ايىپ تاعىلدى. كريشتيانۋ رونالدۋ بۇل اقپارعا بايلانىستى بىردەن مالىمدەمە جاساۋعا اسىقتى. ال الەمگە تانىمال فۋتبولشىنىڭ سۇيىكتىسى دجوردجينا رودريگەس بۇل جايتقا بەيجاي قاراي المايتىنىن ايتىپ، رونالدۋعا قولداۋ كورسەتىپ، فۋتبول جانكۇيەرلەرىن قۋانتتى. دجوردجينا رودريگەس كريشتيانۋ رونالدۋ مەن ونىڭ كومانداسى جەڭىسكە جەتكەن ستاديوندا تۇسىرىلگەن فوتونى ءوزىنىڭ الەۋمەتتىك جەلىسىنە جاريالاپ، ءوزىنىڭ جۇرەكجاردى سەزىمىن ءبىلدىرىپ، جازبا قالدىردى.
«ومىرلىك جولىمىزداعى قيىندىق-كەدەرگىلەر ءبىزدىڭ مىقتى بولۋىمىزعا، كۇش-جىگەرىمىزدى جاسىتپاۋعا ءوز اسەرىن تيگىزىپ، رۋحاني كەمەلدەنىپ وسۋىمىزگە سەپتىك ەتەدى. بۇگىنگى ەستەن كەتپەس، ادەمى ويىن ءۇشىن راقمەت! مەن سەنى جانىمداي جاقسى كورەمىن، كريشتيانۋ»، دەپ وي تولعاپتى ءتورت بالانى تاربيەلەپ وتىرعان فۋتبولشىنىڭ قالىڭدىعى.
