اقتاۋدا ءوڭىر باسشىسى ەرالى توعجانوۆتىڭ قاتىسۋىمەن وبلىس اكتيۆىنىڭ جينالىسى ءوتتى. جيىن بارىسىندا پرەزيدەنت نۇرسۇلتان نازاربايەۆتىڭ "قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ»اتتى جاڭا جولداۋىندا ايتىلعان ماقساتتار مەن مىندەتتەرگە قول جەتكىزۋ ءۇشىن قاجەتتى شارالار ايقىندالدى.
ايماق باسشىسى جولداۋداعى ءبىرىنشى باسىمدىق حالىق تابىسىنىڭ ءوسۋى ەكەنىن اتاپ ءوتتى. 28 مىڭ بيۋدجەت قىزمەتكەرىنىڭ ەڭبەكاقىسى ورتا ەسەپپەن 35% - عا وسەدى. سونىمەن قاتار، مۇمكىندىگى شەكتەۋلى 25 000 ادام ءۇشىن تولەم مولشەرى ۇلعايتىلاتىن بولادى. سوندىقتان ەرالى توعجانوۆ بارلىق بيۋدجەتتىك مەكەمەلەرگە، جالاقىنى كوتەرۋ تۋرالى ەسەپتى ەكونوميكا جانە بيۋدجەتتىك جوسپارلاۋ باسقارماسىنا دەرەۋ ۇسىنۋدى تاپسىردى.
باسەكەلەستىكتى دامىتۋ جانە مونوپوليستىك كومپانيالاردىڭ تاريفتەرىن رەتتەۋ ماسەلەسى بويىنشا وبلىس اكىمى مونوپولياعا قارسى دەپارتامەنتكە قالالىق جانە اۋداندىق اكىمدىكتەرمەن بىرلەسە وتىرىپ، تۇرعىنداردان جينالعان قاراجاتتى ءتيىمدى پايدالانۋ بويىنشا مونوپوليستەر مەن پيك-كە تەكسەرۋ جۇرگىزۋدى تاپسىردى.
«سونىمەن بىرگە، ەلباسى شاعىن جانە ورتا بيزنەس ءۇشىن سالىق امنيستياسىن جۇرگىزۋگە تاپسىرما بەردى. بۇل – ءوسىماقىلار مەن ايىپپۇلداردى ەسەپتەن شىعارۋ دەگەن ءسوز. نەگىزگى كريتەريي – تەك ادال سالىق تولەۋشىلەر ءۇشىن امنيستيا جاريالانادى. امنيستيا سالىق بەرەشەكتەرى اعىمداعى جىلدىڭ 1 قاڭتارىنا دەيىن پايدا بولىپ، 1 قىركۇيەككە دەيىن تولەنبەگەن جاعدايدا عانا جۇرگىزىلەدى.مەملەكەتتىك كىرىستەر دەپارتامەنتىنىڭ دەرەكتەرى بويىنشا، شامامەن 600 شاعىن جانە ورتا بيزنەس سۋبەكتىسى امنيستيانى قولدانا الادى. وسى دەپارتامەنتكە كاسىپكەرلىك جانە ساۋدا باسقارماسىمەن، قالا جانە اۋدان اكىمدەرىمەن بىرلەسىپ، سالىقتىق امنيستياعا تۇسەتىن شاعىن جانە ورتا بيزنەس سۋبەكتىلەرىمەن ءتيىستى جۇمىستى جۇرگىزۋدى تاپسىرامىن»-دەدى ەرالى توعجانوۆ.
اگروونەركاسىپتىك سەكتوردى دامىتۋعا مەملەكەت بولگەن قاراجات، ءبىرىنشى كەزەكتە، وڭىردەگى جەرگىلىكتى اۋىل شارۋاشىلىعى ونىمدەرىنىڭ كولەمىن ۇلعايتۋعا مۇمكىندىك بەرەدى. اۋىل شارۋاشىلىعى باسقارماسى مينيسترلىكپەن قاجەتتى قاراجات ءبولۋ ماسەلەلەرى بويىنشا ءتيىستى جۇمىس جۇرگىزۋى قاجەت. بۇل قاراجات ءبىرىنشى كەزەكتە ءوڭىردى جەرگىلىكتى اۋىل شارۋاشىلىعى ونىمدەرىمەن قامتاماسىز ەتۋ كورسەتكىشىن ارتتىرۋعا مۇمكىندىك بەرەدى.
اۋىل شارۋاشىلىعى باسقارماسى قاجەتتى قاراجاتتى وبلىسقا ءبولۋ بويىنشا مينيسترلىكپەن ءتيىستى جۇمىستار جۇرگىزۋى قاجەت.
سونىمەن بىرگە، «اتامەكەن» وڭىرلىك كاسىپكەرلەر پالاتاسىمەن بىرلەسىپ اۋىل كاسىپكەرلەرىنە ارنالعان وقىتۋ كارتاسىن ازىرلەۋدى، سونداي-اق قارجى ينستيتۋتتارى ارقىلى قارجىلاندىرىلاتىن جوبالاردى جانداندىرۋدى تاپسىرامىن.
«ەلباسى يننوۆاسيانى دامىتۋعا ەرەكشە نازار اۋدارۋدى تاپسىردى.ەڭ الدىمەن بالامالى ەنەرگەتيكانى، جاڭا ماتەريالداردى، بيومەديسينانى جانە باسقا دا باعىتتاردى ىلگەرىلەتۋدى قامتاماسىز ەتۋ قاجەت. ول ءۇشىن وبلىسىمىزدا ءبىرقاتار جۇمىستار اتقارىلدى. اتاپ ايتساق:باتىر اۋىلىندا قۋاتى 2 مۆت كۇن ەلەكتر ستانسياسى پايدالانۋعا بەرىلدى؛ماڭعىستاۋ جانە ءتۇپقاراعان اۋداندارىندا جەل جانە كۇن ەلەكتر ستانسيالارىنىڭ قۇرىلىسى جۇرگىزىلۋدە. سونداي-اق، مۇناي كومپانيالارى يننوۆاسيالىق جوبالار بويىنشا ۇلكەن جۇمىستاردى قولعا الۋدا»-دەدى وبلىس اكىمى.
جيىنعا قاتىسقان بيزنەسوكىلدەرى، ۇستازدار قاۋىمى مەن جاستار جاعىجولداۋدا ايتىلعان ماسەلەلەرگە قاتىستى ءوز ويلارىنورتاعا سالدى.كاسىپكەر نادەجدا كاراس كاسىپكەرلەردى دامىتۋعا جانە قولداۋعا ەرەكشە كوڭىل بولىنگەنىن اتاپ ءوتتى. شوب ءۇشىن نەسيەلەندىرۋدىڭ قول جەتىمدىلىگى ماسەلەسى ەرەكشە ماڭىزدى: "ءبىز نەسيەلەۋگە قول جەتكىزگەندە ءوندىرىستى دامىتۋعا جانە جاڭعىرتۋعا دايىنبىز. ەكىنشى دەڭگەيدەگى بانكتەرمەن ۇزاق مەرزىمدى قارجىلاندىرۋ بويىنشا جۇمىس ىستەۋ قيىن، پايىزدىق مولشەرلەمەلەر ءوندىرىستى دامىتۋعا مۇمكىندىك بەرمەيتىن جوعارى، سوندىقتان پرەزيدەنتتىڭ بۇل ماقساتتاعى حالىق تۇتىناتىن تاۋارلاردى شىعاراتىن جوبالارعا 600 ملرد.تەڭگە بولىنەتىندىگى تۋرالى شەشىمى وتە وزەكتى جانە ۋاقتىلى. بۇل شەشىم وتاندىق ءوندىرىستىڭ دامۋىنا سەرپىن بەرەدى" دەدى.
