الماتىدا وتكەن دوڭگەلەك ۇستەلدە قازاقستاندىق مۇناي ونىمدەرىنىڭ ءوندىرىسى، اينالىمى جانە ساپاسىن باقىلاۋ ماسەلەلەرىن تالقىلادى.

2018 جىلعى 10 قازاندا الماتى قالاسىندا «قازاقستاندا مۇناي ونىمدەرىنىڭ ءوندىرىسى جانە اينالىمى. اعىمداعى جاعدايى مەن بولاشاعى» تاقىرىبىندا دوڭگەلەك ۇستەل ءوتتى.

ءىس-شارانىڭ ۇيىمداستىرۋشىسى - «قازمۇنايگاز ونىمدەرى» ج ش س، قاتىسۋشىلار قاتارىندا قازاقستاندىق مۇناي وڭدەۋ زاۋىتتارىنىڭ، مەملەكەتتىك ورگانداردىڭ، قوعامدىق ۇيىمدار مەن اۆتوديلەرلەردىڭ وكىلدەرى بولدى.

ءىس-شارانى اشا وتىرىپ، «قازمۇنايگاز ونىمدەرى» ج ش س باس ديرەكتورىنىڭ ءبىرىنشى ورىنباسارى – كوممەرسيالىق ماسەلەلەر جونىندەگى ورىنباسارى تولەمىس شوتانوۆ: «قازاقستاندىق زاۋىتتاردى جاڭعىرتۋ اياقتالىپ كەلەدى، ول ىشكى نارىقتى تولىقتىرىپ قانا قويماي، سونىمەن بىرگە بولاشاقتا جانارمايدى ەكسپورتقا شىعارۋعا مۇمكىندىك بەرەدى. سونىمەن قاتار، وتاندىق وندىرىستەگى مۇناي ونىمدەرىنىڭ ساپاسى حالىقارالىق ستاندارتتارعا سايكەس كەلەدى جانە شەتەلدىك انالوگتاردان كەم تۇسپەيدى» دەپ اتاپ ءوتتى.

ەكولوگيالىق كلاسى ك4-ك5 جانارمايلارىنىڭ ايىرماشىلىقتارىن ايتقاندا، زاۋىتتاردىڭ وكىلدەرى بەنزين مەن ديزەل وتىنىنىڭ ەكولوگيالىق كورسەتكىشتەرى ايتارلىقتاي جاقسارعانىن اتاپ ءوتتى. مىسالى، كلاسى ك5 جانارمايىنا تالاپ ونىڭ قۇرامىنداعى كۇكىرت كلاسى ك2 جانارمايىنا قاراعاندا 50 ەسە تومەندىگىن، بەنزولدىڭ ۇلەسى 5% -دان 1%-عا دەيىن تومەندەگەنىن قاراستىرادى. سايكەسىنشە، بۇل اۆتوكولىكتەردىڭ شىعارىندىلارىن تومەندەتۋگە ىقپال ەتىپ، جالپى ەلىمىزدەگى ەكولوگيالىق احۋالعا وڭ اسەرىن تيگىزەتىن بولادى.

دوڭگەلىك ۇستەلدىڭ قاتىسۋشىلارى وتاندىق ءموز جاڭعىرتۋ جوبالارىنىڭ اياقتالۋ، ەكولوگيالىق كلاسى ك4-ك5 اۆتوكولىك جانارمايلارىنىڭ ساپاسىن باقىلاۋ، قازاقستاندىق جانارمايدىڭ ساپاسىن ساقتاۋىن قامتاماسىز ەتۋدە زاماناۋي تەحنولوگيالار جانە ساپاسىن باقىلاۋ تۋرالى جان-جاقتى اقپارات الدى. «قازمۇنايگاز» جمقس جەلىسىنىڭ سىناقتاۋ ورتالىعىنىڭ ءبىر زەرتحاناسىنا بارىپ، ولارعا «ىشىنەن»  تىكەلەي باقىلاۋ جۇيەسىنىڭ جۇمىسىن ءوز كوزدەرىمەن كورۋ، زەرتحانانىڭ جابدىقتالۋى  مەن قىزمەتكەرلەردىڭ كاسىپقويلىعىنا جوعارى باعالاۋ مۇمكىندىگى تۋدى.