قازاقستان رەسپۋبليكاسىنىڭ پرەزيدەنتى نۇرسۇلتان ءابىش ۇلى نازاربايەۆ 2018 جىلعى 18 قازاندا جاريالاعان «قازاقستاندىقتاردىڭ ءال-اۋقاتىنىڭ ءوسۋى: تابىس پەن تۇرمىس ساپاسىن ارتتىرۋ» اتتى جولداۋىن استانا قالاسىنىڭ جەرگىلىكتى اسكەري باسقارۋ ورگاندارىنىڭ جەكە قۇرامى زەيىن قويا زەردەلەپ، ەلباسى اتاپ وتكەن ناقتى تاپسىرمالادى تالداۋ ماقساتىندا استانا قالاسى اكىمدىگىڭ قىزمەتكەرلەرىمەن بىرلەسكەن وتىرىس وتكىزدى.

جەرگىلىكتى اسكەري باسقارۋ ورگاندارىنىڭ تىكەلەي جەرگىلىكتى حالىقپەن، ال ناقتىراق ايتساق، جاستارمەن جۇمىس جۇرگىزەتىندىگىن ەسكەرە وتىرىپ، وتىرىس بارىسىندا نەگىزىنەن جاستارعا اسكەري-پاتريوتتىق تاربيە بەرۋ ماسەلەسى تالقىلاندى.

جولداۋدىڭ 6-شى بولىمىندە پرەزيدەنت جاستاردىڭ بارلىق ساناتىن قولداۋعا ارنالعان شارالاردى تولىق قامتيتىن الەۋمەتتىك ساتىنىڭ اۋقىمدى پلاتفورماسىن قالىپتاستىرۋ كەرەك ەكەندىگىنە باسا نازار اۋدارعان بولاتىن. سونىمەن قاتار، كەلەسى جىلدى جاستار جىلى دەپ جاريالاۋدى ۇسىنىپ، «سارباز» بالالار-جاسوسپىرىمدەر بىرلەستىگىن قۇرىپ، مەكتەپتەردە اسكەري-پاتريوتتىق تاربيەنىڭ ءرولىن كۇشەيتۋ كەرەكتىگىن ەسكەرتتى.

وسى ورايدا، ارينە، ەڭ الدىمەن اسكەري-پاتريوتتىق تاربيە بەرۋ ەلباسى اتاعان ماقساتقا جەتۋدىڭ العىشارتى ەكەنى  ايدان انىق.

«جاستار – ەلىمىزدىڭ بولاشاعى! وسى ورايدا ەلباسىنىڭ بۇل باستاماسىن ءبىز تولىقتاي قولدايمىز. الداعى ۋاقىتتا جاستاردى اسكەرگە ىنتالاندىرۋ، اسكەري-پاتريوتتىق كلۋبتاردىڭ جۇمىسىن جانداندىرا وتىرىپ، ولاردىڭ ءوزارا تىعىز بايلانىسىن نىعايتۋ بويىنشا جۇمىستاردى كۇشەيتە ءتۇسۋىمىز كەرەك»، - دەپ ءوز بايانداماسىندا استانا ق. ءقىجد باستىعىنىڭ مىندەتىن ۋاقىتشا اتقارۋشى پولكوۆنيك ەرلان جابىقبايەۆ اتاپ ءوتتى.

جاستارعا اسكەري-پاتريوتتىق تاربيە بەرۋ – ق ر قارۋلى كۇشتەرى قىزمەتىنىڭ نەگىزگى باعىتتارىنىڭ ءبىرى بولىپ تابىلادى. ەلىمىزدە جەرگىلىكتى اسكەري باسقارۋ ورگاندارىنىڭ جانە تاربيە قۇرىلىمدارىنىڭ جۇرگىزىپ جاتقان جۇمىستارىنىڭ ناتيجەسىندە مەكتەپتەردىڭ جانىندا اسكەري-پاتريوتتىق جانە اسكەري-سپورتتىق قۇرالىمدار جەلىسى بەلسەندى تۇردە دامۋدا، اسكەري-شەفتىك بايلانىس كەڭەيۋدە، اسكەري جانە ازاماتتىق جاستار اراسىندا ءوزارا ءىس-قيمىل نىعايۋدا. بۇگىنگى تاڭدا اسكەري ساراپشىلاردىڭ باعا بەرۋى بويىنشا اسكەري-پاتريوتتىق كلۋبتىڭ  ءتورتىنشى دەرلىك تاربيەلەنۋشىسى ءوزىنىڭ ءومىرىن ارميامەن بايلانىستىرادى. قورىتىندى رەتىندە اسكەري-پاتريوتتىق كلۋبتاردىڭ قابىرعاسىندا تالىم-تاربيە العان جانە شىنىققان، اسكەرگە شاقىرىلعان نەمەسە اسكەري وقۋ ورىندارىنا وقۋعا تۇسكەن جاستاردىڭ اسكەري عىلىمنىڭ قىر-سىرىن مەڭگەرۋدە اناعۇرلىم جوعارى داعدىلارى بار، ارميالىق قىزمەتتەگى جاعدايلارعا جەڭىل بەيىمدەلەدى.