ەلىمىزدە «نۇرلى جول» باعدارلاماسى اياسىندا كولىك ينفراقۇرىلىمىن قۇرۋ جۇمىستارى  ءالى كۇنگە دەيىن بەلسەندى اتقارىلۋدا. «نۇرلى جول» باعدارلاماسى اياسىنداعى جوبالار 2019 جىلعا دەيىن جۇزەگە اسىرىلادى.

ناقتى ايتار بولساق، بۇگىندە قازاقستاندىق جول قۇرىلىسشىلارى ەلباسىنىڭ ءبىرىنشى كەزەككە قويىپ وتىرعان تاپسىرماسىن ورىنداۋدا. ول – استانا قالاسىن ورتالىقتان قاشىق جەردە ورنالاسقان وبلىستارمەن بىرىكتىرۋ ماقساتىندا جۇزەگە اسىرىلىپ جاتقان ساۋلەلىك نەگىزدە كولىك ينفراقۇرىلىمىن قۇرۋ. ورتالىق كوممۋنيكاسيالار قىزمەتىنىڭ كولىك سەكتورىنىڭ وكىلدەرى بيىلعى جىلى بۇقارالىق اقپارات قۇرالدارىن اتالمىش باعدارلامانىڭ ىسكە اسىرىلۋ بارىسىمەن تانىستىرعان بولاتىن.

«ۇق «قازاۆتوجول» اق باسقارما باسشىسىنىڭ ورىنباسارى تەمىرحان مەڭدىعالييەۆتىڭ مالىمەتىنشە، «نۇرلى جول» مەملەكەتتىك باعدارلاماسى اياسىندا 2019 جىلعا دەيىن جالپى ۇزىندىعى 4،6 مىڭ شاقىرىمنان اساتىن 15 جوبا ىسكە اسىرىلۋى ءتيىس.

بۇل جوسپارعا قاداي دالىزدەردىڭ كىرەتىنىن دە اتاپ ءوتتى: ورتالىق – وڭتۇستىك «استانا – قاراعاندى – بالقاش – الماتى»، ورتالىق – شىعىس «استانا – پاۆلودار – قالاباتاۋ – وسكەمەن»، ورتالىق – باتىس «استانا – ارقالىق – شالقار – قاندىاعاش»، ورتالىق – سولتۇستىك «استانا – پەتروپاۆل – رەسەي شەكاراسى».

بۇدان بولەك، باسىم باعىتتاردىڭ ءبىرى – الماتى-وسكەمەن، ءۇشارال-دوستىق، بەينەۋ-اقجىگىت، قالاباتاۋ-مايقاپشاعاي، ورال-كامەنكا-رەسەي شەكاراسى بولىپ تابىلادى.

باسقارما باسشىسى ءتوراعاسىنىڭ ايتۋىنشا، بۇگىنگى تاڭدا بۇل جوبالارعا قاتىستى ءبىرقاتار كەلىسىمشارتتارعا قول قويىلىپ، قۇرىلىس جۇمىستارى باستالىپ تا كەتكەن.

ونىڭ پىكىرىنشە، بيىلعى جىلى 525 شاقىرىم جولدىڭ قۇرىلىسىن اياقتاۋ جوسپارلانىپ وتىر.«بۇل جوبالاردى تولىعىمەن ىسكە اسىرۋ 2022 جىلعا دەيىن سوزىلماق»، - دەپ اتاپ ءوتتى تەمىرحان مەڭدىعالييەۆ.

سونىمەن قاتار، «قازاۆتوجول» اق باسقارما باسشىسىنىڭ ورىنباسارى ەلدەگى بارلىق جول وبەكتىلەرى ءبىرىڭعاي ۇلتتىق ستاندارت بويىنشا سالىناتىندىعىن حابارلادى. جەرگىلىكتى اكىمدىكتەر جول قىزمەتتەرىن 2017-2020 جىلدارعا ارنالعان ۇلتتىق ستاندارتتار تالاپتارىنا سايكەس كەلتىرۋگە كىرىسىپ كەتكەن.

«نۇرلى جول» مەملەكەتتىك باعدارلاماسى اياسىندا 2020 جىلعا دەيىن 260 سەرۆيستىك وبەكتىنى سالۋ، قايتا قۇرۋ نەمەسە جابدىقتاۋ جوسپارلانىپ وتىر.

- وبلىس اكىمدىكتەرىندە وبەكتىلەردى ۇلتتىق ستاندارتتارعا ساي كەلتىرەتىن ايماقتىق جۇمىس توپتارى جۇمىس ىستەيدى. ولاردىڭ قۇرامىنا وبلىس اكىمدىكتەرى، «اتامەكەن» ۇكپ، «دامۋ» قورى، دەرگىلىكتى قوعامدىق كەڭەستەر جانە كاسىپكەرلەر كىرەدى، - دەپ ايتىپ ءوتتى «قازاۆتوجول» اق باسقارما باسشىسىنىڭ ورىنباسارى.

ونىڭ ايتۋىنشا، 31 نىساندى - ونىڭ ىشىندە: ورتالىق-وڭتۇستىك، ورتالىق-شىعىس، ورتالىق-باتىس جانە وزگە دە جولداردى قايتا قۇرۋ جۇمىستارىن - رەسپۋبليكالىق بيۋدجەت قاراجاتىنىڭ قارجىلاندىرۋ كوزدەلۋدە. 229 نىساندى سالۋ، قايتا قۇرۋ نەمەسە كەشەندى قۇىرىلىمداردى جاساقتاۋ جۇمىستارىنا جەلىلىك بيزنەس قۇرىلىمدارىن، سونىڭ ىشىندە شاعىن جانە ورتا بيزنەس پەن مۇددەلى ينۆەستورلاردى تارتۋ قاجەت ەكەندىگىن دە ايتتى.

سپيكەر، سونىمەن قاتار، ەلىمىزدەگى ماڭىزدى ماسەلەلەردىڭ بىرىنە توقتالىپ ءوتتى. ونىڭ مالىمەتىنشە، قازاقستاننىڭ جولدارىندا ىڭعايلى ءارى جايلى دارەتحانالار پايدا بولادى ەكەن.

بەتوننان جاسالعان دارەتحانالاردىڭ ورنىندا ىڭعايلى ءارى جىلى سانۋزل بولمەلەرى سالىنباق.

- قىزمەت كورسەتۋ ساپاسىن جاقسارتۋ ءۇشىن جانە ءتۋريزمدى دامىتۋ ماقساتىندا بۇگىنگى تاڭدا KazWay سەرۆيسىنىڭ جىلى ءارى ىڭعايلى 66 مودۋلدىك پاۆيلوندارىن ورنالاستىرىپ، 2025 جىلعا دەيىن سۋىق بەتوندى دارەتحانالاردى اۋىستىرۋ قاجەت، - دەدى تەمىرحان مەڭدىبايەۆ.سونىمەن قاتار، استانا-ششۋچينسك اۆتوجولىنىڭ سۋقويما بولىمىندە 47 ەسكى دارەتحانالردىڭ بۇزىلعانىن ايتتى.

تاعى ءبىر ايتا كەتەتىن جايت، ەلدە باستالعان سيفرلاندىرۋ ۇدەرىسى كونتەكستىندە Transpark، Google Maps جانە Yandex Maps كارتالارىنا جالپىعا قول جەتىمدى بولۋ ءۇشىن جول قىزمەتى وبەكتىلەرىن قوسۋ جۇمىستارى جۇرگىزىلۋدە. قازىرگى تاڭدا بۇل ۇيىم جول قىزمەتى نىساندارىنىڭ ورنالاسقان جەرى جانە ۇسىنىلاتىن قىزمەتتەر ءتىزىمى تۋرالى ەگجەي-تەگجەيلى اقپاراتپەن ءبولىسۋ قىزمەتتەرىن ازىرلەۋدە.

ايتا كەتەيىك، قاراعاندى-بالقاش تراسساسىنىڭ 363 شاقىرىمىن ەكسيمبانك (قحر) قارجىلاندىرماق.

– بۇگىنگى كۇنى وسى ۋچاسكەدە كەلىسىمشارتتار بويىنشا كەلىسسوزدەر جۇرگىزىلۋدە، سونىمەن قاتار ۋاقىتشا جانە تۇراقتى بولۋگە جەر ۋچاسكەلەرىن الۋ ءۇشىن راسىمدەر جۇرگىزىلۋدە، - دەپ اتاپ ءوتتى «قازاۆتوجول» اق باسقارما باسشىسىنىڭ ورىنباسارى.

بەلگىلى بولعانداي، قازاقستانداعى رەسپۋبليكالىق ماڭىزى بار باعىتتار اقىلى بولماق.رەسپۋبليكالىق ماڭىزى بار اۆتوجولداردىڭ 27 پايىزىن قۇرايتىن 24100 شاقىرىمى نەمەسە جالپى ۇزىندىعى 6،5 مىڭ شاقىرىمدى قۇرايتىن بولادى.