16 قازان كۇنى «قازپوشتا» اق ۇيىمداستىرۋىمەن ەلوردا تۇرعىندارىنا ارنالىپ «E-commerce Meet UP» وتكىزىلدى.

Meet UP-تا ەلەكتروندى ساۋداداعى كاسىپكەرلەردى قىزىقتىراتىن ترەندتەر جايىندا ايتىلدى.

شارا بارىسىندا سپيكەرلەر ينتەرنەت ماركەتينگكە سالىستىرمالى تالداۋ جاساپ، نەگىزگى ۇعىمدارىمەن تانىستىردى. سونىڭ ىشىندە landing page، ينتەرنەتتە ساتۋ قىزمەتەرى مەن قۇرالدارى، تارگەتتىك جارنامالار.

«قازپوشتا» اق ەلەكتروندى ساۋدا دەپارتامەنتى ديرەكتورىنىڭ ايتۋىنشا نەگىزگى ماقسات ەلەكتروندى ساۋدامەن اينالىساتىن سەرىكتەستەردى ىسكە شاقىرۋ، وسى ارقىلى ەلەكتروندى ساۋدا نارىعىن العا شىعارۋ.

«ءبىز بۇگىن e-commerce ورتالىعىندامىز. بۇل جالپى ايتقاندا ينتەرنەت بيزنەسپەن اينالىساتىن كاسىپكەرلەرگە قىزمەت كورسەتۋ بولىمشەسى. قازپوشتا ءاردايىم بۇل جۇيەنى لوگيستيكا رەتىندە ۇسىنىپ وتىردى. ەندى ءبىز ناقتى بيزنەستى دامىتۋعا بەل بۋدىق. ياعني ءوزىمىز ەمەس، كەرىسىنشە وسى سالادا جۇمىس جاساۋعا قۇلشىنىس بىلدىرەتىن كاسىپكەرلەردى تارتۋ ارقىلى. دالىرەك ايتسام  وزگەلەردى تارتۋ ارقىلى قازاقستانداعى ەلەكتروندى ساۋدانىڭ وركەندەۋىنە ۇلەس قوسۋ. ول ءۇشىن ەلەكتروندى ساۋدا قىزىقتىراتىن سەرىكتەستەردى شاقىرىپ، وسى ورتالىقتا ولارعا ينتەرنەت-دۇكەندەر، ماركەتينگ، ساتۋ بولىمىمەن تانىستىراتىن جيىندار ۇيىمداستىرىپ وتىرامىز»، – دەدى مۇستافين سۇلتان.

سونىمەن بىرگە شارادا اتالعان ورتالىقتىڭ بىلىكتى ماماندارى كاسىپكەرلەردى ءوز قىزمەتتەرىمەن تانىستىرىپ، تەرەڭدەتىلگەن كەڭەس الۋعا شاقىردى.

«E-commerce ورتالىعىنىڭ جۇمىسى كاسىپكەرلەرگە باعىتتالعان. ءبىز سىزدەرگە كەلەسى قىزمەتتەردى ۇسىنامىز: ينتەرنەت ماركەتينگتى باسقارۋ، اۋتسورسينگ بۋحگالتەرى، CRM جۇيەسى، ساتۋ ءبولىمى، ونلاين ساتۋ بويىنشا ءوز سايتىن قۇرۋ. سىزگە ىڭعايلى بولۋ ءۇشىن كورشى زالدا ماماندار وتىرادى جانە ولار سىزگە كەڭەس بەرۋگە دايىن»، – دەدى E-commerce جوباسىنىڭ جەتەكشىسى دۇيسەنبايەۆ ەركەبۇلان.