تۇركىستان وبلىسىنىڭ اكىمى جانسەيىت تۇيمەبايەۆ سارىاعاش اۋدانىنا ساپارى بارىسىندا وڭىردەگى ورتالىق اۋرۋحاناعا ارنايى ايالدادى. مەكەمەنىڭ ينسۋلت ورتالىعىنداعى سوڭعى زاماناۋي قۇرىلعىمەن جابدىقتالعان توموگرافيا كابينەتىن سالاناتتى تۇردە اشىپ بەردى. ونداعى جاڭادان ورناتىلعان كومپيۋتەرلىك توموگرافيانىڭ جۇمىسىمەن تانىستى. سونداي-اق، وبلىس باسشىسى سارىاعاشتىق دارىگەرلەرگە 3 اۆتوكولىكتىڭ كىلتىن تاپسىردى. بۇل يگىلىكتى ىستەر ەلباسىنىڭ مەديسينا سالاسىنا جاساعان قولداۋىنىڭ ناتيجەسىندە بولىپ جاتقانىن تىلگە تيەك ەتكەن ءوڭىر باسشىسى اۋرۋحانا ۇجىمىنا ساتتىلىك تىلەدى.

«مەملەكەت باسشىسى قاشاندا ەلدىڭ دەنىنىڭ ساۋلىعىنا ۇلكەن كوڭىل ءبولىپ كەلەدى. ءقازىر وبلىسىمىزدا ءمودۋلدى پۋنكتەر سالىنىپ، دارىگەرلەرگە ارنالعان ارنايى تۇرعىن ۇيلەر دە بوي كوتەرىپ جاتىر. قازىرگى تاڭدا تۇرعىندارعا ساپالى مامانداندىرىلعان قول جەتىمدى مەديسينالىق قىزمەت ۇسىنىپ، مەديسينالىق مەكەمەلەردىڭ ماتەريالدىق-تەحنيكالىق بازاسىن نىعايتىپ كەلەمىز. دەي تۇرعانمەن اۋىرىپ ەم ىزدەگەنشە، اۋىرماۋ ءۇشىن كوپشىلىكتى سپورتمەن شۇعىلدانۋعا شاقىرامىن»، - دەدى جانسەيىت قانسەيىت ۇلى.

سارىاعاش اۋداندىق اۋرۋحاناسىندا اشىلعان جاڭا توموگرافيالىق كابينەت الداعى ۋاقىتتا ءوڭىر تۇرعىندارىنىڭ دەنساۋلىعىنىڭ ساۋلىعى ءۇشىن قىزمەت ەتپەك.