تاياۋدا تۇركىستان وبلىسى اكىمدىگى مەن ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتىنىڭ ۇيىمداستىرۋىمەن ءبىلىم بەرۋ سالاسىنداعى سىبايلاس جەمقورلىقتىڭ دەڭگەيىن تومەندەتۋ ماسەلەلەرى تالقىلانعان جيىننان باق-تا قاتە مالىمەتتەر جاريالاندى.
اتالعان جاڭساق مالىمەتتەردى تۇركىستان وبلىسى اكىمىنىڭ باسپا ءسوز قىزمەتى تەرىسكە شىعارىپ، تومەندەگىنى حابارلايدى. 
اتاپ ايتقاندا، ماجىلىستە ق ر مەملەكەتتىك قىزمەت ىستەرى جانە سىبايلاس جەمقورلىققا قارسى ءىس-قيمىل اگەنتتىگىنىڭ تۇركىستان وبلىسى بويىنشا دەپارتامەنتىنىڭ باسشىسى ع.تۇرسىنبايەۆ سوڭعى ءۇش جىلدا رەسپۋبليكا بويىنشا ءبىلىم سالاسىنداعى جەمقورلىق اياسىندا 513 قىلمىستىق ءىس قوزعالىپ، 305 تۇلعا قىلمىستىق جاۋاپكەرشىلىككە تارتىلعانىن مالىمدەگەن. بۇل رەسپۋبليكالىق كورسەتكىش بولىپ تابىلادى.
ال، تۇركىستان وبلىسىندا سوڭعى ءۇش جىلدا ءبىلىم سالاسىندا سىبايلاس جەمقورلىققا قاتىستى 50 جاعداي تىركەلگەن. بۇگىندە ءبىرقاتار تۇلعالار قىلمىستىق جاۋاپكەرشىلىككە تارتىلعان. 
جىل باسىنان بەرگى جاعدايعا توقتالساق، وبلىستىق ءبىلىم باسقارماسىنىڭ باسشىسى ي.ساعىندىقوۆتىڭ مالىمەتىنشە، 2018 جىلدىڭ 8 ايىندا وبلىس اۋماعىندا ءبىلىم بەرۋ ۇيىمدارىنىڭ لاۋازىمدى تۇلعالارىمەن جاسالعان 6 سىبايلاس قىلمىستىق ءىس تىركەلگەن. ونىڭ 4ء-ۋى مەكتەپ دي⁠رەكتورلارى بولسا، 1ء-ۋى تەحنيكالىق قىزمەت كورسەتۋشى مەن ءبىر جەتەكشى مامان تارتىلعان. بۇل رەتتە ايتا بىلتىرعى ءتيىستى مەرزىممەن سالىستىرعاندا ارنايى جۇمىستاردىڭ ناتيجەسىندە، وڭىرىمىزدەگى احۋال جاقسارىپ، بەس فاكتىگە ازايىپ وتىر. وتكەن 2017 جىلدىڭ 8 ايىندا سىبايلاس جەمقورلىققا قاتىستى 11 جاعداي تىركەلگەن بولاتىن.
بۇگىندە باسقارما تاراپىنان سىبايلاستىقتىڭ الدىن الۋعا باعىتتالعان وبلىستىق دەڭگەيدە ءتيىستى جۇمىستار اتقارىلۋدا. مەكتەپكە دەيىنگى ءبىلىم بەرۋ ۇيىمدارىنا جولداما بەرۋ جانە كەزەككە قويۋ پروسەسسىن اۆتوماتتاندىرۋ قولعا الىنىپ، بۇگىنگى كۇنگە 481 مەكەمە نەمەسە بارلىق 1368 مەكتەپكە دەيىنگى مەكەمەلەردىڭ 35 پايىزى وسى جۇيەمەن جۇمىس جۇرگىزۋدە. جىل سوڭىنا دەيىن balabaqsha.sitcen.kz پورتالىنا بالاباقشالاردىڭ 100 پايىزىن قوسۋ جوسپارلانۋدا. جۇيە قىزمەتىمەن بۇگىندە 12 مىڭنان استام ءبۇلدىرشىن بالاباقشاعا ورنالاسقان. 
وبلىستىڭ 902 (100%) مەكتەبىندە jumys.sitcen.kz جۇيەسى ەندىرىلگەن. بۇگىنگە دەيىن اتالعان جۇيە قىزمەتى ارقىلى 933 بوس جۇمىس ورىن جاريالانىپ، 321 ادام جۇمىسقا ورنالاسقان.