ەندى قالادا «اقتاۋ – حالىقارالىق اۋەجاي – اقتاۋ» باعىتىندا №10 جانە №11 اۆتوبۋس تۇرعىندارعا قىزمەت ەتەتىن بولادى. باعاسى 350 تەڭگە.

جولاۋشىلار تاسىمالىنا ارنالعان 47 ورىندىق «Ankai» اۆتوبۋسى ەلەكتر قۋاتىمەن جۇمىس ىستەيتىندىكتەن، ەكولوگيالىق جاعىنان ءتيىمدى. ونى قۋاتتاۋعا 2،5-4 ساعات ۋاقىت قاجەت. ءبىر رەت قۋاتتالعان سوڭ شامامەن 160 شاقىرىمدى ەڭسەرە الادى. ەلەكتروبۋس ۇنەمى قۋاتتالىپ وتىرۋ ءۇشىن ارنايى توك ستانساسىمەن قامتىلعان.

جەلدەتكىشپەن، قول جۇكتەرىنە ارنالعان سورەمەن قامتىلعان، 4 بەينەباقىلاۋ قۇرىلعىسى ورناتىلعان. الدىڭعى بولىگىندە سىرتقى دىبىستاردى قابىلداعىش قۇرىلعىسى بار.

№10 مارشرۋت «جەرۇيىق» قوناق ءۇيى جانىنان ءجۇرىپ قالا ءىشى ارقىلى اۋەجايعا جەتسە، №11 مارشرۋت «كاسپيان ريۆەرا» قوناق ءۇيى جانىنان جولعا شىعىپ، تەڭىز جاعالاۋى ارقىلى وتەدى. ەلەكتروبۋس ايالدامالارى مەن ۋاقىتىن infobus.kz سايتى ارقىلى انىقتاۋعا بولادى.