بۇل جونىندە ماڭعىستاۋ وبلىستىق ءبىلىم باسقارماسى باسشىسىنىڭ مىندەتىن اتقارۋشى نۇرلىبەك قويجانوۆ اپپارات جيىنىندا مالىمدەدى.

ول ەلباسىنىڭ «بەس الەۋمەتتىك باستاماسىن» جۇزەگە اسىرۋ ماقساتىندا قولعا الىنعان جۇمىستار جايىندا مالىمدەپ، بىرنەشە جۇمىس جوسپارىن تانىستىردى.

نۇرلىبەك قويجانوۆتىڭ ايتۋىنشا، وبلىستاعى 27 كوللەدجدە (16-سى مەملەكەتتىك، 11ء-ى جەكەمەنشىك) 21244 ستۋدەنت ءبىلىم الىپ جاتىر. ال ستۋدەنتتەردىڭ جاتاقحاناعا قاجەتتىلىگى 1800 ورىندى قۇرايدى.

وسىعان وراي، اقتاۋ قالاسىنان 3ب ش/ا 52ا عيماراتىندا 200 ورىنعا ارنالعان جاتاقحانانى رەسپۋبليكالىق بيۋدجەت ەسەبىنەن ساتىپ الۋ راسىمدەرى جۇرگىزىلۋدە.

وسى عيماراتتىڭ جانىنان تاعى 400 ورىندىق جاتاقحانانىڭ قۇرىلىسىن قاراشا ايىندا باستاۋ جوسپارلانعان. نىسان قۇرىلىسى ءمجا نەگىزىندە جۇرگىزىلمەك.

«بۇدان وزگە ءمجا ارقىلى 500 جانە 300 ورىندىق ەكى جاتاقحانا، سونداي-اق مەملەكەتتىك بيۋدجەت ەسەبىنەن اقتاۋ قالاسىنان تاعى 500 ورىندىق جانە جاڭاوزەن قالاسىنان 100 ورىندىق جاتاقحانا سالۋ جوسپارلاندى»، — دەيدى نۇرلىبەك قويجانوۆ