سايىس جاسوسپىرىمدەر اراسىندا 2009 جىلدان بەرى ءداستۇرلى تۇردە ۇيىمداستىرىلىپ كەلەدى.

ەۋروپا كۋبوگىنىڭ جەڭىمپازى، ەۋروپا بىرىنشىلىگىنىڭ كۇمىس جۇلدەگەرى، 200 مەترگە جۇگىرۋدە كەڭەس وداعىنىڭ 5 دۇركىن چەمپيونى، جەڭىل اتلەتيكادان 100، 200، 400 مەترگە دەيىن جۇگىرۋدەن قازاقستاننىڭ 3 دۇركىن چەمپيونى، الەم رەكوردتارىنىڭ جاڭارتۋشىسى – ءامين ەلەمەس ۇلى تۇياقوۆتىڭ قۇرمەتىنە وتكىزىلگەن سايىسقا بيىل دا ماڭعىستاۋ وبلىسىنىڭ بارلىق قالا، اۋداندارىنان اتلەتتەر كەلىپ، ب ا ق سىنادى.

شاراعا ءامين تۇياقوۆتىڭ ءوزى ارنايى كەلىپ، جاس سپورتشىلارعا ساتتىلىك تىلەدى. ارداگەر اتلەت پەن ونىڭ جارىنا «اقتاۋ قالاسىنىڭ الەۋمەتتىك-ەكونوميكالىق دامۋىنا قوسقان ۇلەسى ءۇشىن» توسبەلگى مەن سىي-سياپات تابىستالدى.

-تۋرنيرگە 2001-2002، 2003-2004 جىلى تۋىلعان جاسوسپىرىمدەر قاتىستى. ولار 100، 200، 400، 800 مەترگە جۇگىرۋ جانە ەستافەتا سىندارىندا ب ا ق سىنادى. ەستافەتاعا 4 ادام قاتىسىپ، ءارقايسىسى 200 مەتردەن جۇگىردى. بۇدان بولەك قاشىقتىققا سەكىرۋ سايىستارى بار، — دەيدى جارىستىڭ باس تورەشىسى دميتريي سلاۆنوۆ.

جارىس رەسپۋبليكالىق ستاتۋسقا يە بولعانىمەن قاتىسۋشىلار تەك وبلىس سپورتشىلارى. دەگەنمەن سالا وكىلدەرى الداعى ۋاقىتتا تۇگەل اۋماقتى قامتىماق نيەتتە ەكەنىن جەتكىزدى.

-بۇگىنگى دوداعا 120-عا جۋىق سپورتشى قاتىستى. كەلەسى جىلى اتالمىش تۋرنيرگە باسا نازار اۋدارىپ، بۇكىل قازاقستان كولەمىندەگى اتلەتتەردى قاتىستىرۋعا تىرىسامىز، — دەيدى مو سپورت باسقارماسى باسشىسىنىڭ م.ا. نۇربەك قارابالايەۆ.

سايىستىڭ ناتيجەسىندە 100 مەترگە جۇگىرۋدەن: ماي ماريا (گ.اكتاۋ)، اگافونوۆا ەكاتەرينا (اقتاۋ)، الدانازاروۆ نۇرعيسا (ءتۇپقاراعان اۋدانى)، قۋانىشبەك دامير (اقتاۋ)؛ 200 مەترگە جۇگىرۋدەن: اگافونوۆا ەكاتەرينا (اقتاۋ)، قۋانىشبەك دامير (اقتاۋ)؛

300 مەتردە: اكەنييەۆا الينا (اقتاۋ)، گورباچوۆ بوگدان (اقتاۋ)؛

400 مەتردە: گەراسيموۆا كسەنيا (اقتاۋ)، ميتروحين دميتريي (اقتاۋ)؛

800 مەتردە: وتەۋلييەۆا مانشۇك (قاراقيا اۋدانى)، رەيمبايەۆ باۋىرجان (اقتاۋ)؛

1000 مەتردە: ورىنباسار مەدينا (اقتاۋ)، گورباچوۆ بوگدان (اقتاۋ)؛

قاشىقتىققا سەكىرۋدە: امانجانوۆا گۇلناز (قاراقيا اۋدانى)، راقىمعالييەۆا ءمولدىر (جاڭاوزەن)، مىجىقوۆ دياس (مۇنايلى اۋدانى)، لىسەنكو الەكساندر (اقتاۋ)؛

ەستافەتادان اقتاۋ قالاسىنىڭ سپورتشىلارى ۇزدىك شىقتى. جەڭىمپازدارعا ديپلومدار مەن اقشالاي سىيلىق تابىستالدى.