ماڭعىستاۋ وبلىسى بويىنشا مەملەكەتتىك كىرىستەر دەپارتامەنتى زاڭ باسقارماسىنىڭ جەتەكشى مامانى پ.ق. قىلىشباي 40 اەك مولشەرىندە، ياعني، 96 200 تەڭگە اقشالاي سىياقىمەن ماراپاتتالدى. بۇل تۋرالى ق ر قم مەملەكەتتىك كىرىستەر كوميتەتى باسپا ءسوز قىزمەتى مالىمدەدى.

قىزمەتكەرگە سىياقى 5000 تەڭگە كولەمىندەگى پارانى الۋدان باس تارتقانى ءۇشىن تابىستالعان.

«ماڭعىستاۋ وبلىسى بويىنشا مەملەكەتتىك كىرىستەر دەپارتامەنتى زاڭ باسقارماسىنىڭ جەتەكشى مامانى پ.ق. قىلىشباي ءبىر جولعى اقشالاي سىياقى تۇرىندە 40 اەك مولشەرىندە ماراپاتتالدى. ول سىبايلاس جەمقورلىق كورىنىستەرىنە توزبەۋشىلىك تانىتقانى ءۇشىن، اتاپ ايتقاندا، ءوز قۇزىرەتىنە كىرەتىن ماسەلەلەردى جەدەل قاراۋ جانە ماڭعىستاۋ وبلىسى بويىنشا مكد ىشكى قاۋىپسىزدىك باسقارماسىنا ۋاقىتىندا جۇگىنگەنى ءۇشىن 5000 تەڭگە سوماسىندا پارا الۋدان باس تارتقانى ءۇشىن اقشالاي كوتەرمەلەۋ الدى»، — دەلىنگەن حابارلامادا.

ال پارا بەرۋشى «قىلمىستىق قۇقىق بۇزۋشىلىق تۋرالى» ق ر كودەكسىنىڭ 367-بابى 1-بولىگىمەن (پارا بەرۋ) كىنالى دەپ تانىلىپ، وعان جازا تۇرىندە 20 اەك كولەمىندە ايىپپۇل سالىندى.