شىعىس قازاقستان وبلىسىنداعى «قازپوشتا» اق-نىڭ فيليالى 9 ايدىڭ ىشىندە 4 ساتۋ نۇكتەسىن اشقان. بۇل تۋرالى «قازپوشتا» اق باسقارما ءتوراعاسى ساكەن سارسەنوۆ ءوزىنىڭ Facebook پاراقشاسىندا جازدى.

جەرگىلىكتى فيليالدا 10 قالا مەن 15 اۋدانعا قىزمەت ەتەتىن 1،5 مىڭ ادام جۇمىس ىستەيدى. بۇعان قوسا، ايماقتا 752 اۋىلدىق ەلدى مەكەن بار. وسىنىڭ بارلىعىنا ۇلتتىق وپەراتوردىڭ ماماندارى ءوز قىزمەتتەرىن ۇسىنۋدا.

«ايماقتاعى بولىمشە 9 ايدا 4 ساتۋ نۇكتەسىن، ايىرباس جاساۋدىڭ قوسىمشا پۋنكتتەرىن، 23 بانكومات پەن 11 تەرمينالدى اشتى. ال بۇرىن بۇل جەرلەردە تولەم قابىلدايتىن كاسسالار بولماعان ەدى»، – دەپ اتاپ ءوتتى س. سارسەنوۆ.

ونىڭ ايتۋىنشا، شقو-داعى فيليال جەرگىلىكتى اكىمدىكپەن بىرلەسە وتىرىپ، ە-كسك جوباسىن ەنگىزبەكشى. ناتيجەسىندە، تۇرعىندار وزدەرىنىڭ تالاپ-ارىزدارىن اكىمدىك پەن تۇرعىن ءۇي كووپەراتيۆىنە جولداي الادى. سونداي-اق، حالىقتىڭ قاجەتتىلىگىنە جارايتىن ءبىر توپ قىزمەتكەرلەر ءاربىر ۇيدە بولماق. ول قىزمەتكەرلەردىڭ قاتارىنا: ۋچاسكەلىك پوليسەي، مەديسينالىق قىزمەتكەر، سانتەحنيك، ەلەكتريك جانە ت.ب. ەنەدى.

باسقارما ءتوراعاسى بۇل وڭىرگە ساپارى بارىسىندا بيزنەستى جۇرگىزىپ جاتقان IT، HR جانە e-commerceء-تىڭ باسشىلارىمەن كەزدەسىپ، ارىپتەستەرىنە كومپانيانىڭ الداعى دامۋ جوسپارىن ايتتى.

«سونداي-اق، ءبىز «ال-فارابي» جشس-پەن كەزدەسۋىمىز كەزىندە ىنتىماقتاستىعىمىزدىڭ ءارى قارايعى دامۋىن تالقىلادىق. ايتپاقشى، شقو-دا قازپوشتامەن فرانچايزينگتىك مودەل بويىنشا 6 كومپانيا كەلىسىمگە وتىردى. ول كومپانيالار سەمەي، اياگوز، وسكەمەن جانە بىرنەشە اۋدانداردا ورنالاسقان»، – دەدى ول.

باسقوسۋ سوڭىندا قازپوشتانىڭ 25 جىلدىعىنا وراي ەڭبەگى سىڭگەن وڭىردەگى ماماندارعا ديپلومدار مەن العىس حاتتار تاپسىرىلدى.