بيىل الەمدىك جانە ءداستۇرلى دىندەر سەزىنىڭ قۇرىلعانىنا 15 جىل. وسى ايتۋلى مەرەكەگە وراي «قازپوشتا» اق «قر-نىڭ الەمدىك جانە ءداستۇرلى دىندەر سەزىنە 15 جىل» تاقىرىبىنداعى پوشتا ماركالارىن اينالىمعا شىعاردى.

ونىڭ سالتاناتتى ءراسىمى الەمدىك جانە ءداستۇرلى دىندەر كوشباسشىلارىنىڭ VI سەزىنە بايلانىستى ۇيىمداستىرىلدى. اتالعان ءىس-شارا استانادا ءوتىپ، وعان ق ر قوعامدىق دامۋ ءمينيسترى دارحان قالەتايەۆ پەن «قازپوشتا» اق باسقارما ءتوراعاسى ساكەن سارسەنوۆ قاتىستى.

بۇل ماركادا بەيبىتشىلىك جانە كەلىسىم سارايىنىڭ سۋرەتى بەينەلەنگەن. ال تارالىمى – 20 مىڭدى قۇرايدى. ولشەمى – 156ح150 مم.

بۇعان دەيىن قازپوشتا ءوزىنىڭ 25 جىلدىعىنا وراي مەرەيتويلىق ماركالارىن شىعارعان بولاتىن. ول ماركالاردا قازاقستان پوشتاسىنىڭ ومىرىندەگى ەڭ ماڭىزدى ساتتەر بەينەلەنگەن. ولار: تاۋەلسىز قازاقستاننىڭ العاشقى ماركاسى «التىن سارباز»، پوشتا جانە تەلەگراف كەڭسەسىندەگى العاشقى ءۇيى، پوشتا بولىمشەسىنىڭ سوڭعى جەتىستىكتەرى جانە بالالاردىڭ كوزىمەن بولاشاقتاعى قازاقستاندىق پوشتا. بۇگىندە كومپانيا جىلىنا 80 ملن-عا جۋىق كليەنتكە قىزمەت كورسەتەدى. بۇعان قوسا، استانا، قاراعاندى، الماتى، اقتوبە قالالارىندا 6 سيفرلىق كەڭسەسى جۇمىس ىستەپ تۇر. «سيفرلىق قازاقستان» مەملەكەتتىك باعدارلاماسى اياسىندا استانا جانە الماتى قالالارىندا ە-commerce ورتالىعى اشىلدى. وندا 1200-دەن استام كاسىپكەر ونلاين ساتۋدى قولعا الدى. وسى ەكى شاھاردا 1 ملن-عا جۋىق سالەمدەمە جەتكىزىلگەن فۋلفيلمەنت-ورتالىعى ىسكە قوسىلدى. 6 مىڭنان استام قولدانۋشى ونلاين تولەم جاساۋ ءۇشىن post.kz سايتىنداعى ەلەكتروندىق ءامياندى قولدانادى.