Beeline ابونەنتىن قولداناتىن تۇتىنۋشىلارى، قازپوشتا وپەراتورىنىڭ قىزمەتىن العاننان كەيىن ۇيالى تەلەفونىنىڭ IMEI-كودىن تىركەتە الادى. بۇل تۋرالى ءموبيلدى وپەراتوردىڭ PR-قىزمەتى حابارلادى.

«قازپوشتا» اق مەن Beeline ءوز تۇتىنۋشىلارى ءۇشىن وسىنداي شەشىم قابىلدادى. ول ءۇشىن ابونەنتتەر USSD ارقىلى قازپوشتانىڭ تابەلدىك ءنومىرى بار جسن-دى جىبەرۋ كەرەك.

مۇنداي ءادىس زەينەتكەرلەرگە، سونداي-اق مۇمكىندىگى شەكتەۋلى جاندار ءۇشىن قاجەتتى جەكە مالىمەتتەردى بازاعا ەنگىزۋگە كومەكتەسەدى.

«ءبىز بازانى تولىقتىرۋ جۇمىستارىن وسى جىلدىڭ ناۋرىز ايىنان باستادىق، ازىرگە بۇل ءادىس ءساتتى جۇزەگە اسىرىلۋدا. 2019 جىلى كۇشىنە ەنەتىن زاڭ بويىنشا بارلىق ابونەنتتەر تۇتىنۋشىلارى تىركەۋدە بولۋ كەرەك ەكەنىن بارشامىز بىلەمىز. سول سەبەپتى ءبىز بار كۇشىمىزدى سالىپ ءوز تۇتىنۋشىلارىمىزدى تىركەۋگە الىپ جاتىرمىز. Beeline كومپانياسى ءۇشىن ءاربىر ابونەنتتىڭ ورنى ەرەكشە» – دەپ ءتۇسىندىرىپ ءوتتى بۇقارالىق نارىقتى دامىتۋ جونىندەگى كوممەرسيالىق ديرەكتور ەۆگەنيي ناسترادين.

تىركەۋگە الۋدىڭ مۇنداي ءادىسى ءۇشىن ارنايى كوماندا جاسالدى. ول USSD *693*جسن*010000*123456#، سوڭعى 12 سان «قازپوشتا» اق-نىڭ قىزمەتكەرلەرىنىڭ تابەل ءنومىرى.

دەرەكتەردى تىركەۋگە الۋ مىندەتتى تۇردە قولدانۋشى ابونەنتتەردىڭ كەلىسىمى ارقىلى جۇزەگە اسىرىلادى.

بارلىق ابونەنتتەر يەسى وزدەرىنىڭ ۇيالى تەلەفوندارىن جەكە جسن-نە تىركەۋ مىندەتتەلەدى. ءموبيلدى وپەراتورلار بارلىق ابونەتتەر بويىنشا اقپاراتتى ءبىرىڭعاي مەملەكەتتىك دەرەكتەر بازاسىنا ەنگىزۋ قاجەت.

ەستەرىڭىزگە سالا كەتەلىك، بۇل دەرەكتەر بازاعا تۇسپەگەن جاعدايدا 2019 جىلدىڭ 1 قاڭتارىنان باستاپ ءموبيلدى وپەراتورلار مۇنداي نومىرلەردىڭ قىزمەتىن اۆتوماتتى تۇردە توقتاتادى.