ەلىمىزدەگى ءىرى مەگاپوليستەردىڭ ءبىرى – شىمكەنتتە «قازپوشتا» اق-نىڭ سيفرلىق كەڭسەسى اشىلدى. بۇل قازاقستانداعى 7ء-شى سيفرلىق كەڭسە.

پوشتا قىزمەتىنىڭ بارلىق ءتۇرى سيفرلىق جۇيەدە كورسەتىلەدى. گيبريدتى بانكومات، پوشتامات، تولەم تەرمينالى، ەلەكتروندى قىزمەتتەر جۇمىس ىستەيدى. وندا تەك قانا 2 كەڭەسشى عانا ازاماتتارعا كومەك كورسەتەدى. بارلىق تولەمدەر، سالەم-ساۋقات جىبەرۋ جانە الۋ سيفرلىق تۇردە 2-3 مينۋتتىڭ ىشىندە جاسالادى.

جاڭا كەڭسە ازاماتتارعا جايلىلىق پەن ساپالى قىزمەت ۇسىنادى. ونداعى قىزمەتتەردىڭ بارلىعى تولىقتاي اۆتوماتتاندىرىلعان.

«ءبىزدىڭ باستى ماقساتىمىز – ازاماتتارعا سيفرلىق تەحنولوگيا بويىنشا قىزمەت كورسەتۋ. ماسەلەن، بىزدەگى كەز كەلگەن بولىمشەدە 20 ادام جۇمىس ىستەيدى. ال مۇندا تەك 2 كەڭەسشى بار. باسقا قىزمەتتەردىڭ ءبارىن اۆتوماتتاندىرىلعان روبوتتار اتقارادى. ەكى قىزمەتكەر ارنايى وقۋدان وتكەن. وعان قوسا بولىمگە كەلگەن ازاماتتار وزدەرىنىڭ سيفرلىق ساۋاتتىلىعىن كوتەرەدى»، – دەيدى «قازپوشتا» اق باسقارما ءتوراعاسى ساكەن سارسەنوۆ.

ۇلتتىق وپەراتوردىڭ مۇنداي كەڭسەلەرى بۇگىندە الماتى، استانا، اقتوبە جانە قاراعاندى قالالارىندا بار. ال اعىمداعى جىلدىڭ سوڭىنا دەيىن قوستانايدا اشىلاتىن بولادى.

سونداي-اق، قازپوشتا مەگاپوليستە ەلەكتروندى ساۋدانى دامىتپاق نيەتتە. الداعى ۋاقىتتاردا سيفرلاندىرۋعا قاتىستى جوبالار بوي كوتەرمەك.

«ءبىز قالا اكىمى عابيدۋللا راحماتۋللاۇلىمەن سيفرلاندىرۋدىڭ جوبالارىن شىمكەنتتە ەنگىزۋ تۋرالى كەلىسىم جاسادىق. ول مىناداي جوبالار: ە-كسك، بارلىق كوممۋنالدى تولەمدەردى ءبىر تۇبىرتەككە بىرىكتىرەتىن – ءبىرىڭعاي تولەم قۇجاتى، الەۋمەتتىك كارتا جانە ۇيلەردىڭ جاڭا يندەكسى»، - دەپ جازادى س. سارسەنوۆ ءوزىنىڭ Facebook پاراقشاسىندا.