«قازپوشتا» اق-نىڭ 16 سۇرىپتاۋ ورتالىعى LEAN-مادەنيەتىن قولدانۋدا. مۇنداي ۇنەمدى ءوندىرىس تەحنولوگياسىن (Lean-جۇيەسى) ەنگىزۋ ۇلتتىق وپەراتورعا پايدالى وندىرىستىك وبەكتتەرىن وڭىرلەردە 70%-عا دەيىن كەڭەيتۋگە مۇمكىندىك بەرۋدە. بۇل جونىندە قازپوشتانىڭ Facebook-تەگى پاراقشاسىندا حابارلاندى.

پوشتالىق سالەمدەمەلەردى وڭدەۋ بارىسىندا ۇلكەن حابتاردى وڭدەۋ ەكى اپتادان ءبىر تاۋلىككە دەيىن قىسقارتىلدى. ال ايماقتىق سۇرىپتاۋ ورتالىقتارىندا – 24 ساعاتتان 12 ساعاتقا دەيىن تومەندەگەنى بەلگىلى بولىپ وتىر. وسىنىڭ ارقاسىندا قىزمەتكەردىڭ ونىمدىلىك تيىمدىلىك كورسەتكىشى ەكى ەسە ارتتى.

بيزنەس-ۇدەرىستەردى وڭتايلاندىرۋ قازپوشتانىڭ 16 سۇرىپتاۋ ورتالىقتارىندا ترانسفورماسيا باعدارلاماسى شەڭبەرىندە جۇزەگە اسىرىلۋدا. وسىنىڭ ناتيجەسىندە ورتالىقتاردىڭ ىشىندە ءارتۇرلى بولىمدەردى ورنالاستىرۋ قايتا قارالۋدا. سونداي-اق، پوشتانى سۇرىپتاۋ وپەراسيالارى اۆتوماتتاندىرىلدى، تاسىمالداۋ ازايتىلىپ، شىعىندار جويىلدى.

سونىمەن قاتار، بۇدان باسقا، شامامەن 1500 سۇرىپتاۋشىلار جانە پوشتاشىلار LEAN-مادەنيەتىن ارنايى وقىتۋ ادىستەرى بويىنشا كۋرستاردان ءوتتى. ال ۇزدىك ماماندار شەتەلدەردەن، اتاپ ايتساق رەسەيدە جانە گەرمانيادا وتكەن بولاتىن. بۇل ءوز كەزەگىندە قىزمەتكەرلەرگە ۇنەمدىلىك جۇيەسىن ءتيىمدى پايدالانۋدى جانە Lean-ويلاۋدى قالىپتاستىرۋعا مۇمكىندىك بەردى.