جامبىل وبلىسى اكىمدىگى ىشكى ساياسات باسقارماسى «وڭىرلىك كوممۋنيكاسيالار قىزمەتىنىڭ» الاڭىندا قازاقستان رەسپۋبليكاسى ۇلتتىق بانكىنىڭ» جامبىل فيليالى ديرەكتورى ەۆگەنيي شارىگين، «بانك سەنتركرەديت» اق تاراز قالاسىنداعى فيليالىنىڭ ديرەكتورى بەكداۋىل يپتيلدايەۆ، "سەسنابانك" اق فيليالىنىڭ ديرەكتورى عالىمجان دولانبەكوۆتىڭ قاتىسۋىمەن باسپا ءسوز كونفەرەنسياسى ءوتتى. سپيكەرلەر «7-20-25 باعدارلاماسىن ىسكە اسىرۋ» تۋرالى بايانداپ، جۋرناليستەردىڭ سۇراقتارىنا جاۋاپ بەردى.

مەملەكەت باسشىسىنىڭ اعىمداعى جىلدىڭ ناۋرىز ايىندا ۇسىنعان 5 الەۋمەتتىك باستاماسىنىنڭ ءبىرىن ىسكە اسىرۋ شەڭبەرىندە قازاقستان ۇلتتىق بانكى جاڭا «7-20-25. ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ» يپوتەكالىق تۇرعىن ءۇي كرەديتتەۋ باعدارلاماسىن (بۇدان ءارى - باعدارلاما) بەكىتتى، «باسپانا» يپوتەكالىق ۇيىمى» قۇرىلدى.

باعدارلاما باسقا مەملەكەتتىك يپوتەكالىق باعدارلامالاردىڭ اياسىندا ەداۋىر ەرەكشەلەنەدى. نىسانالى  ينديكاتورلارعا سايكەس  يپوتەكالىق  كرەديتتەردىڭ جالپى كولەمى 1 تريلليون تەڭگەنى قۇرايدى. حالىققا 7% تاريحي تومەن مولشەرلەمە بويىنشا، كرەديتتەلەتىن تۇرعىن ءۇي قۇنىنىڭ 20% مولشەرىندە باستاپقى جارنا، سونداي-اق 25 جىلعا دەيىن كرەديت مەرزىمىمەن يپوتەكالىق كرەديت الۋدىڭ تەڭدەسسىز شارتتارى ۇسىنىلادى.

باعدارلاماعا مەنشىك قۇقىعىندا باسپاناسى جانە دا يپوتەكالىق قارىزدارى جوق قازاقستاننىڭ ءاربىر ازاماتى قاتىسا الادى. باعدارلامانىڭ قاتىسۋشىسىنىڭ كاسىپكەرلىك نەمەسە ەڭبەك قىزمەتىنەن تۇراقتى راستالعان كىرىسى بولۋى قاجەت.

باعدارلاما حالىققا باستاپقى تۇرعىن ءۇي الۋىنا ەسەپتەلگەن. سونىمەن قاتار، تۇرعىن ءۇي ساتىپ الۋ ءۇشىن استانا، الماتى، اقتاۋ جانە اتىراۋ قالالارى ءۇشىن باعانىڭ ەڭ جوعارى شەگى 25 ميلليون تەڭگە، ال قالعان وڭىرلەر ءۇشىن (ونىڭ ىشىندە جامبىل وبلىسى ءۇشىن) - 15 ملن تەڭگە دەپ بەلگىلەندى.

قازىرگى تاڭدا «باسپانا» ارنايى كومپانياسى سەنتركرەديت بانكىمەن، حالىق بانكپەن، ەۋرازيالىق بانكپەن، سەسنا بانكپەن، اتف بانكپەن، ربك بانكىمەن، تۇرعىن ءۇي قۇرىلىسى جيناق بانكىمەن جانە فورتە بانكىمەن كەلىسىمگە قول قويدى.

جامبىل وبلىسىندا بۇگىنگى كۇنى 6 بانكتىڭ فيليالى جۇمىس ىستەيدى – ولار سەنتركرەديت بانكىنىڭ، اتف بانكتىڭ، حالىق بانكتىڭ، سەسنابانكتىڭ، ەۋرازيالىق بانكتىڭ جانە فورتە بانكتىڭ فيليالدارى.

سونىمەن، كرەديت سوماسى 12 ملن. تەڭگە كەزىندە يپوتەكا الۋشىعا جۇكتەمە ايىنا 85 مىڭ تەڭگەنى قۇرايدى. اۋماقتاردا ادەتتە تۇرعىن ءۇي سوماسى تومەن بولادى، وندا كرەديت سوماسى 7 ملن. تەڭگەنى قۇرايدى. ال يپوتەكا الۋشىعا جۇكتەمە ايىنا 50 مىڭ تەڭگەنى قۇرايدى.

وسىلايشا، «باسپانا» كومپانياسىنىڭ ارىپتەس بانكتەرىنىڭ دامىعان جەلىسىن ەسكەرە وتىرىپ، «7-20-25» يپوتەكالىق باعدارلاماسى ەلدىڭ بارلىق وڭىرلەرىن قامتىپ، قازاقستاننىڭ ءبىراز ازاماتىنا كوپتەن كۇتكەن تۇرعىن ءۇيىن الۋعا كومەكتەسەدى دەپ ۇيعارىلۋدا.

اتالعان باعدارلاما كەزەككە تۇرىپ، كۇتۋدىڭ قاجەتتىلىگى بولماۋىمەن ۇتىمدى. اركىم قۇرىلىس سالۋشىنى ءوزى تاڭدايدى، تۇرعىن ءۇيدى ءوزى تابادى، بانككە جۇگىنەدى جانە ارى قاراي يپوتەكانى راسىمدەيدى.

2018 جىلعى 25 قازانعا مەملەكەتتە باعدارلاما بويىنشا ەكىنشى دەڭگەيدەگى بانكتەرمەن قابىلدانعان وتىنىمدەردىڭ جالپى سانى 47 194،2 ملن.تەڭگە بولىپ 3 989 ءوتىنىشتى قۇرادى. 31 806،8 ملن.تەڭگەگە 2 658 ءوتىنىشى ماقۇلداندى.

جامبىل وبلىسى بويىنشا 25.10.2018 جىلعى جاعدايعا بانك فيليالدارىمەن 407،7 ملن. تەڭگەگە 51 ءوتىنىش قابىلدانىپ، 284،8 ملن.تەڭگەگە 33 ءوتىنىش ماقۇلداندى. ونىڭ ىشىندە: 6 زاەم ءبىلىم سالاسىندا جۇمىس ىستەيتىن جۇمىسشىلارمەن، 2 – اسكەري، 3 – مەملەكەتتىك ورگان قىزمەتكەرلەرىمەن، 6 – مەديسينا قىزمەتكەرلەرىمەن، 2 – سپورتشىلارمەن، 1 زاەم اۋىل شارۋاشىلىعى سالاسىنىڭ قىزمەتكەرىمەن، 1 – پوشتالىق قىزمەت جۇمىسشىسىمەن، 2 – ەكىنشى دەڭگەيدەگى بانكتىڭ قىزمەتكەرلەرىمەن، 5 زاەم جەكە ۇيىمداردا جۇمىس ىستەيتىن تۇلعالارمەن جانە 1 زاەم حقكو قىزمەتكەرىمەن الىنعانى تۋرالى اقپارات بار.

باعدارلاما شەڭبەرىندە جۇزەگە اسىرىلۋى مۇمكىن باستاپقى تۇرعىن ءۇي وبەكتىلەرىنە قاتىستى قازىرگى تاڭدا باعدارلاما بويىنشا باستاپقى تۇرعىن ءۇيدى مىنا جەرلەردەن الۋعا بولادى:

- «7-20-25» باعدارلاماسى شەڭبەرىندە ەدب جۇزەگە اسىرىلاتىن، جاقىن ارادا قتقجب-دان جاو بەرىلەتىن «نۇرلى جول» باعدارلاماسى بويىنشا تۇرعىزىلعان «اراي» القابىنداعى شامامەن 100 پاتەر؛

-  «7-20-25» باعدارلاماسى شەڭبەرىندە ەدب جۇزەگە اسىرىلاتىن، كەلەسى جىلى قتقجب-دان جاو بەرىلەتىن «نۇرلى جول» باعدارلاماسى بويىنشا تۇرعىزىلعان 15 ىقشام اۋدانىنداعى 300-گە جۋىق پاتەر (بارلىعى اعىمداعى جىلى 10 ءۇي تۇرعىزىلدى – بۇل 800 پاتەر، ونىڭ 500-نە قتقجب لينياسى بويىنشا باسىمدىققا يە سالىمشىلاردى نەسيەلەۋ كۇتىلىپ وتىر)؛

- جەكە قۇرىلىس سالۋشىلاردان – 80 پاتەر (بينوم ج ش س، جامبىل تاس-قۇم ج ش س، ابىلاي سانا 2003 ج ش س، ۆوسحود وك، پيكو وك جانە قاراتاۋ قۇرىلىس ج ش س).

سونداي-اق، ۇلتتىق بانكتىڭ جامبىل فيليالى باعدارلامانىڭ تالاپتارىن ءتۇسىندىرۋ، وبلىستىڭ باستاپقى تۇرعىن ءۇي نارىعىنداعى وبەكتىلەر تۋرالى حالىقتى اقپاراتتاندىرۋ ماقساتىندا، جەرگىلىكتى اتقارۋ ورگاندارىمەن بىرلەسىپ ەلىمىز بويىنشادا اۋماق بويىنشادا باعدارلامانى جۇزەگە اسىرۋ بارىسى تۋرالى اۋقىمدى جۇمىستار اتقارىلۋدا: جەرگىلىكتى بۇقارالىق اقپارات قۇرالدارىنىڭ قاتىسۋىمەن باسپا ءسوز كونفەرەنسيالارى، بريفينگتەر، جاو مەن ەدب فيليالدارىنىڭ وكىلدەرىنىڭ قاتىسۋىمەن وبلىستىڭ كاسىپورىندارى جانە ۇيىمدارىمەن كەزدەسۋلەر جانە ت.ب. ۇيىمداستىرىلۋدا.

سونداي-اق حالىققا ىڭعايلى بولۋ ءۇشىن رەسمي www.baspana72025.kz سايتى ىسكە قوسىلدى، ودان بارلىق قاجەتتى اقپاراتتى الۋعا بولادى. سونداي-اق + 7 (727) 227-20-25 تەگىن ءنومىرى بويىنشا call-ورتالىق تاۋلىك بويى جۇمىس ىستەيدى. قازىرگى ۋاقىتتا 7-20-25 باعدارلاماسىنىڭ ءموبيلدى قوسىمشاسى ازىرلەنۋدە، ول جۋىق ارادا App Store مەن Play ماركەت ارقىلى كوشىرىپ الۋ ءۇشىن قولجەتىمدى بولادى.

سونىمەن بىرگە، ق ر ۇلتتىق بانكى باسقارماسىنىڭ 2018 جىلعى 27 تامىزداعى №206 قاۋلىسىمەن باعدارلاماعا سونىڭ ىشىندە استانانىڭ، رەسپۋبليكالىق ماڭىزى بار قالالار مەن وبلىستاردىڭ جەرگىلىكتى اتقارۋشى ورگاندارىمەن (بۇدان ءارى - جاو) قايتارۋ مەرزىمدەرى ەكى جىلعا دەينگى، سونداي-اق سىياقى مولشەرلەمەسى قازاقستان رەسپۋبليكاسى ۇكىمەتىمەن شىعارىلعان مەمەكەتتىك باعالى قاعازدار بويىنشا سىياقى مولشەرلەمەسىنەن تومەن ەمەس وبليگاسيالاردى شىعارۋ ارقىلى باستاپقى تۇرعىن ءۇيدى قۇرىلىس سالۋشىلاردان ساتىپ الۋ مەن قۇرىلىس سالۋدى قارجىلاندىرۋ مەحانيزمىن پايدالانۋدى قاراستىراتىن وزگەرىستەر ەنگىزىلگەنىن اتاپ وتكەن ءجون.

ەنگىزىلگەن وزگەرىستەرگە سايكەس، وپەراتور جاو-نىڭ 150 ملدر.تەڭگەگە دەيىنگى كولەمدەگى وبليگاسيالارىن ساتىپ الۋى مۇمكىن، سونىڭ ىشىندە استانا، الماتى، شىمكەنت قالالارىندا 20 ملرد.تەڭگە، باسقا اۋماقتاردا 6،4 ملرد.تەڭگە ليميتتەرمەن.

ءبىراق، زاەم الۋ ءۇشىن جاو سالعان باستاپقى تۇرعىن ءۇيدىڭ باعاسى باعدارلامامەن بەلگىلەنگەن تۇرعىن ءۇيدىڭ ماكسيمالدى باعاسىنان اسپاۋى ءتيىس.

ايماقتاردا «7-20-25. ءاربىر وتباسىنا باسپانا الۋدىڭ جاڭا مۇمكىندىكتەرىن بەرۋ» يپوتەكالىق تۇرعىن ءۇي كرەديتتەۋ باعدارلاماسىن ءساتتى ىسكە اسىرۋ، سونداي-اق جاس جانۇيالار مەن بيۋدجەت سالاسىنداعى قىزمەتكەرلەردىڭ قارجىلىق جۇكتەمەسىن ازايتۋ ماقساتىندا «باسپانا» يپوتەكالىق ۇيىمى» اكسيونەرلىك قوعامى (بۇدان ءارى – كومپانيا) «جاس ارمان» جانە «قامقور باسپانا» ونىمدەرىن قۇراستىردى. كومپانيانىڭ ۇسىنىپ وتىرعان مەحانيزىمىنە سايكەس جەتگىلىكتى اتقارۋشى ورگاندار (بۇدان ءارى – جاو) وبليگاسيالار شىعارىپ، اتالعان كاتەگورياداعى حالىق ءۇشىن العاشقى جارنانىڭ جارتىسى قارجىلاندىرۋ بويىنشا مىندەتتەمەنى ءوزىنىڭ موينىنا الادى. ءوز كەزەگىندە كومپانيا جاو وبليگاسيالارىن ساتىپ الۋدى جۇزەگە اسىرىپ، باعدارلاماعا قاتىسۋشى بانكتەرمەن  اتالعان كاتەگورياداعى حالىققا زاەم بەرىلۋىن قامتاماسىز ەتەدى.

بۇگىنگى كۇنى «جاس ارمان» جانە «قامقور باسپانا» ونىمدەرى شىمكەنت قالاسىندا سىنامالى رەجيمدە جۇمىس ىستەۋدە. شىمكەنت قالاسىنىڭ اكىمشىلىگى العاشقى جارنانى قارجىلاندىرۋ ماقساتىندا قايتارىم نەگىزدە 2 ملرد. تەڭگە بولۋدە. جاو قولداۋى شامامەن 2 مىڭ جاس جانۇيالار مەن بيۋدجەتتىك سالادا قىزمەتكەرلەردى قامتيدى دەپ كۇتىلۋدە.

سونىمەن قاتار، كومپانيا قايتالاما تۇرعىن ءۇيدى نەسيەلەۋگە باعىتتالعان جاڭا ءونىم – «باسپانا حيت» جاڭا ءونىمىن قۇراستىردى.

«باسپانا حيت» «باسپانا» يپوتەكالىق ۇيىمىنىڭ» «7-20-25» باعدارلاماسىنان وزگەشە ءونىم ەكەنىن ايتا كەتكەن ماڭىزدى. العاشقى جارنا تۇرعىن ءۇي سوماسىنىڭ 20% قۇرايدى، جىلدىق مولشەرلەمە = ۇلتتىق بانكتىڭ بازالىق مولشەرلەمەسى + 1،75%. ءقازىر ۇلتتىق بانكتىڭ بازالىق مولشەرلەمەسى 9% قۇرايتىنىن ەسكەرسەك، «باسپانا حيت» ءونىمى بويىنشا مولشەرلەمە قازىرگى كەزدە 10،75 پايىزدى قۇرايدى. نەسيە مەرزىمى 15 جىلعا دەيىن.

اتالعان ءونىم بويىنشا حالىقتىڭ تاراپىنان ۇلكەن قىزىعۋشىلىق تۋىندايدى دەپ كۇتىلۋدە، ول يپوتەكالىق نارىقتىڭ دامۋىنا جانە قازاقستاندىقتاردى تۇرعىن ۇيمەن قامتاماسىز ەتۋگە جاقسى اسەر ەتۋگە ءوز سەپتىگىن تيگىزەدى.