تۇرمەدە وتىرعان قوعام بەلسەندىسى ماكس بوقايەۆتىڭ جاعدايىنا الاڭداپ، فەيسبۋك الەۋمەتتىك جەلىسىندە جازبالار جاريالاپ وتىرعان ونىڭ رۋحتاس دوسى – تالعات ايان.

♦باستىقتىڭ الدىندا باس كيىمىن شەشپەگەن ماكس بوقايەۆقا اۋىر جازا قولدانىلماق

وسىعان دەيىن تۇرمە باستىعىنىڭ الدىندا باس كيىمىن شەشپەگەندىگى ءۇشىن ماكستىڭ باسىنا بۇلت ۇيىرىلەيىن دەپ تۇر دەگەن سىڭايدا قاۋىپ-قاتەر بارىن سەزدىرگەن تالعات اياننىڭ جازباسىنان كەيىن قامشى قازاقستان رەسپۋبليكاسىنىڭ ىشكى ىستەر ءمينيسترى قالمۇحانبەت قاسىموۆتىڭ، باس پروكۋرور قايرات قوجامجاروۆتىڭ اتىنا حات جولداعان بولاتىن.

♦"ماكس بوقايەۆتى جايىنا قالدىرىڭىزدار!"

پەتروپاۆل قالاسىنداعى ەس-164/3 كولونيا اكىمشىلىگى 5 جىلعا باس بوستاندىعىنان ايىرىلعان ماكس بوقايەۆقا تەكسەرۋشىلەردىڭ الدىندا باس كيىمىن شەشپەگەنى ءۇشىن جازالانىپ، ەكىنشى رەت سوگىس العانى تۋرالى اقپارات العانىمىزدى ەسكەرتە وتىرىپ، «ماكس بوقايەۆقا نە سەبەپتى سوگىس جاريالاندى؟ تەكسەرۋشىلەردىڭ الدىندا باس كيىم شەشۋ كەرەك  دەگەن تالاپ  قانداي زاڭدا كورسەتىلگەن؟» دەگەن ساۋالداردارعا جاۋاپ بەرۋدى سۇراعان ەدىك. ءبىر اي وتكەن سوڭ سولتۇستىك قازاقستان وبلىسىنىڭ پروكۋراتۋراسىنان «ەس-164يۋ/ (ورتاشا قاۋىپسىزدىك، پەتروپاۆل ق.) مەكەمەسى باستىعىنىڭ 2018 جىلعى تامىزدىڭ 9-داعى جانە 11-دەگى قاۋلىلارمەن سوتتالعان بوكايەۆ ماكس كەبەنۇلىنا ەسكەرتۋ جانە سوگىس تۇرىندە تارتىپتىك جازا قولدانىلعان. جازا قولدانۋعا نەگىز بولعان جاعداي، قىلمىستىق-اتقارۋ جۇيەلەرى مەكەمەلەرىندە وتىوعان تۇلعالاردىڭ ءتارتىبىن قاداعالاۋدى جانە باقىلاۋدى، ءتىنتۋ جانە قاراۋ ءوندىرىسىن جۇزەگە اسىرۋ بويىنشا قىزمەتىن ۇيىمداستىرۋ تۋرالى ەرەجەنىڭ 53 ت.سايكەس، سوتتالعانمەن مەكەمە اكىمشىلىگىنىڭ زاڭدى تالاپتارىن ورىنداماۋ تۇرىندە تەگى بويىنشا تەكسەرۋ ءتارتىبىن ءبۇزعان (ق ر ءىىم 2017 جىلعى اقپاننىڭ 20-داعى №36 ءقبپۇ بۇيرىعىمەن بەكىتىلگەن). وبلىس پروكۋراتۋراسىمەن تارتىپتىك ءوندىرۋ سالۋ تۋرالى ماتەريالداردى زەردەلەۋ كەزىندە بۇزۋشىلىقتار ورىن العان جوق» دەگەن جاۋاپ كەلدى.

♦ماكس بوقايەۆتىڭ اقتوبەگە ەتاپپەن جونەلتىلگەنى حابارلاندى

«ول ءبىلىمدى، وجەت، ءادىل، ۇلتشىل ازامات. ماكس تۇرمەدە اعىلشىننىڭ 18 عاسىرداعى تىلىمەن جازىلعان كىتاپتارىن وقىپ قانا قويماي، كۇن سايىن بىرنەشە رەت 25 ەدەننەن "وتجيمانيە"، 25-رەت "برۋسيا" جاسايتىن. جاسى جيىرماداعى جاس بالالار كوبىنە ەرىنسە دە، ماكسكە ەرىپ بارىن سالاتىن، سوندا دا جاسى 43-تەگى ماكسكە جەتە الماي جاتاتىن. سوندا ماكس ولارعا: «ەي، باۋىرىم، قازاقسىڭ عوي، مىناۋىڭ ۇيات، قازىردەن ءوزىڭدى قاراماساڭ، ەرتەڭ كەش بولادى، وقى، تالپىن، دەنساۋلىعىڭدى ساقتا، ەندى قايتىپ قاتە جاساما، بولاشاعىڭ الدا»،- دەپ اقىل ايتىپ جاتاتىن. وسىنداي ماكستىڭ ەشقانداي نەگىزسىز تۇرمەدە وتىرعانىنا 2 جارىم جىل بولىپتى. ياعني 912 كۇن مەن ءتۇن ءوتتى...» دەپ دوسىن "جوقتاعان" تالعات ايان فەيسبۋك الەمىنە بوقايەۆتىڭ بارىن، ونىڭ ءتىرى ەكەنىن، ءىرى ەكەنىن تاعى ءبىر رەت ەسكە سالدى.