اتىراۋ وبلىسى، جانگەلدين اۋىلىنداعى قازاعا قاتىستى كۇتپەگەن دەرەك جاريا ەتىلدى. مارقۇم ەرلى-زايىپتىنىڭ ۇلى ناۋرىزدىڭ نومىرىنەن تۋىسىنا جولدانعان حات قوعامنىڭ نازارىن اۋدارتتى.

وسى وقيعاعا بايلانىستى ءبىر ءۇيدىڭ ەكى ادامى – ناۋرىز مۇقانعالييەۆ پەن ونىڭ قارىنداسى ميرامگۇلگە قاتىستى ىزدەستىرۋ جالعاسىپ جاتىر. ءىس توڭىرەگىندەگى ءار مالىمەتتى جۇرت ءجىتى باقىلاپ وتىر.

حاتتا نە جازىلدى

Qazaq AIRAN رەداكسياسىنىڭ تىلشىلەرى جانگەلدينگە بارعان. مارقۇم ماقسوت ءقاراباليننىڭ تۋعان قارىنداسى ادەمى شىلماعامبەتوۆا ناۋرىزبەن اراداعى حات الماسۋدى كورسەتكەن.

27 جەلتوقساندا ناۋرىز مۇقانعالييەۆتىڭ نومىرىنەن تاتەسىنە مىناداي ءماتىن جولدانعان:

«ارىز جازىپ نە دۇرلىكتىرىپ جاتسىز؟ وزىمىزدە پروبلەما ازداي. پايدالارىڭ تيمەسە دە، زياندارىڭىزدى تيگىزبەڭىزدەرشى. بوسقا كومەكتەسە المايسىزدار، مىسقىلداپ كۇلەسىزدەر. پايدالارىڭنان زياندارىڭىز كوپ ەكەن. ءوز اتا-اناما ءوزىم جاۋاپ بەرەم. شارۋالارىڭىز بولماسىن جارار، ۇيلەنىپ الدىم. تىنىش ءومىر سۇرگىزبەدىڭىزدەر جان-جاقتان. بانكتەن ءبىر ىزدەيدى، پوليسيا ءبىر ىزدەيدى. دۇشپان ەكەنسىڭدەر».

جاقىندارىنىڭ پىكىرى

مارقۇم ماقسوت ءقاراباليننىڭ ءىنىسى شالقار مۇقانعالييەۆ ناۋرىز تۋرالى پىكىر بىلدىرگەن. ول ناۋرىزدى كىشكەنتايىنان تانيتىنىن، ەشكىمگە قارىز بولماي، وزگەگە زيان كەلتىرمەي، ءوز تىرشىلىگىمەن جۇرگەن ادام بولعانىن ايتقان.

«اكەسىنە نە اناسىنا زيان كەلتىرەتىن ادام ەمەس. اۋىلداعى كەز كەلگەن كىسىدەن سۇراساڭىز، ناۋرىز جايلى جامان ءسوز ايتپايدى. ءۇيىنىڭ جالعىز بالاسى عوي. اۋزىڭ اشسا، جۇرەگى كورىنەتىن ادام» – دەگەن ول.

ىزدەستىرۋ مەن رەسمي مالىمەت

اۋىلدا ناۋرىز بەن ميرامگۇلدى ىزدەۋ جالعاسىپ جاتىر. تۋىستار مەن اۋىلداستار جاڭا دەرەكتەردى كۇتىپ وتىر، قوعامنىڭ سۇراعى كوبەيىپ تۇر. پوليسەيلەردىڭ رەسمي تۇسىندىرمەسىن جۇرت كۇتىپ وتىر.

فوتو: اتىراۋ وبلىستىق پد

بۇل تۋرالى Qamshy.kz اقپارات اگەنتتىگى حابارلايدى.