شىمكەنتتە 21 جاستاعى ستۋدەنت نۇراي سەرىكباي پىشاق جاراقاتىنان قازا تاپتى. پوليسيا كۇدىكتى رەتىندە 29 جاستاعى شەرحان ايماحاندى ىزدەپ جاتىر، ونىڭ فوتوسىن جەرگىلىكتى ب ا ق جاريالادى.

نە بەلگىلى

قايعىلى جاعداي 11 قاڭتار كەشىندە تولەمەتوۆ پەن وتەگەنوۆ كوشەلەرىنىڭ قيىلىسىندا بولدى.

بەينەباقىلاۋ كادرلارىندا قىزدىڭ قاشۋعا ۇمتىلعانى، قارسىلىق كورسەتكەنى، ال جىگىتتىڭ ۇرىپ، پىشاقپەن بىرنەشە سوققى جاساعانى كورىنەدى. وقيعا ورنىنان ەر ادام قاشىپ كەتكەن.

مارقۇم جايلى

نۇراي اتا-اناسىمەن وسى ماڭداعى كوپقاباتتى ۇيدە تۇرعان. ول وتباسىنداعى ەڭ كەنجە بولعان، ەكى اعاسى بولعان. جاقىندارى دەنەسىن مورگتەن الىپ، تۇركىستان وبلىسىنىڭ تورتكول اۋىلىنا جەتكىزگەن. جانازا 13 قاڭتار كۇنى اتقارىلماق.

كۇدىكتىنى ىزدەۋ

پوليسيا ىزدەۋگە 29 جاستاعى شەرحان ايماحاندى جاريالاعان. تەرگەۋ كۇدىكتىنىڭ وقيعا ورنىنان HYUNDAI Mufasa اۆتوكولىگىمەن كەتكەنىن مالىمدەگەن (مەملەكەتتىك ءنومىرى 015 AUY 17).

كۋا بولعان تۇرعىنداردان جانە بەينەتىركەگىش جازباسى بار جۇرگىزۋشىلەردەن 102 نومىرىنە حابارلاسۋدى، قولداعى مالىمەتتى قۇقىق قورعاۋ ورگاندارىنا بەرۋدى سۇراعان. قىلمىستىق ءىس قىلمىستىق كودەكستىڭ «كىسى ءولتىرۋ» بابى بويىنشا قوزعالعان. شابۋىلدىڭ سەبەبى ازىرگە بەلگىسىز.

كۇدىكتىنىڭ جانە مارقۇمنىڭ فوتولارىن جەرگىلىكتى OTYRAR پورتالى جاريالاعانىن بۇعان دەيىن ب ا ق حابارلاعان.

بۇل تۋرالى Qamshy.kz اقپارات اگەنتتىگى حابارلايدى.