«ءومىر سۇرۋگە جايلى ورتا قالىپتاستىرۋ» ءۇشىنشى مىندەتتىڭ شەڭبەرىندە تۇرعىن ءۇي جاعدايلارىن جاقسارتۋعا، ەلدىڭ كەز كەلگەن ەلدى مەكەنىندە جايلى ءارى ءقاۋىپسىز ءومىر سۇرۋگە باعىتتالعان  22 ءىس-شارا كوزدەلگەن.

بۇل مىندەتتى ىسكە اسىرۋ ءۇشىن 5 زاڭ قابىلدانادى.

بۇل ءۇشىن بولاشاقتا ەلدى اۋماقتىق-كەڭىستىكتە دامىتۋدىڭ 2030 جىلعا دەيىنگى بولجامدى سحەماسى جاڭا فورماتتا ازىرلەنىپ، قابىلداناتىن بولادى، بۇل ەلىمىزدىڭ باسقارىلاتىن ۋربانيزاسياسىنىڭ جاڭا كارتاسىنا اينالادى. 

وڭىرلەردى دامىتۋدىڭ 2025 جىلعا دەيىنگى باعدارلاماسى ناقتى ءىس-شارالارىن، جوبالارى مەن قارجىلاندىرۋ كولەمىن كورسەتە وتىرىپ كەلەسى جىلى قابىلداناتىن بولادى.

كولىك ينفراقۇرىلىمىن، كوممۋنالدىق جانە تۇرعىن ءۇي قۇرىلىسىن دامىتۋ ماقساتىندا  «نۇرلى جول»، «نۇرلى جەر» مەملەكەتتىك باعدارلامالارى 2025 جىلعا دەيىن ۇزارتىلاتىن بولادى.

قۇقىق قورعاۋ ورگاندارىنىڭ جۇمىسىن تۇبەگەيلى جاقسارتۋ جانە ازاماتتار قاۋىپسىزدىگىن قامتاماسىز ەتۋ ماقساتىندا حالىقپەن جۇمىس ىستەۋدىڭ جاڭا زاماناۋي فورماتىن ەنگىزۋدى، قوعامدىق قاۋىپسىزدىكتى مونيتورينگ جۇرگىزۋ جۇيەلەرىمەن قامتاماسىز ەتۋدى كوزدەيتىن ىشكى ىستەر ورگاندارىن جاڭعىرتۋ بويىنشا «جول كارتاسى» قابىلداناتىن بولادى.

سوتتاردىڭ جۇمىس ىستەۋىنىڭ زاماناۋي فورماتىن جانە وزىق ەلەكتروندىق سەرۆيستەردى ەنگىزۋ، ارتىق سوت راسىمدەرىن قىسقارتۋ ارقىلى سوت جۇيەسىن ودان ءارى جاڭعىرتۋ جالعاستىرىلاتىن بولادى.