جەرگىلىكتى اۆتوجول جەلىلەرىن قوسقاندا «نۇرلى جول» جوبالارىن ىسكە اسىرۋعا 100 مىڭ ادام جۇمىلدىرىلدى.

بۇگىن ورتالىق كوممۋنيكاسيالار الاڭىندا ق ر ينۆەستيسيالار جانە دامۋ مينيسترلىگى، «قازاۆتوجول» ۇك» وكىلدەرىنىڭ قاتىسۋىمەن باسپا ءسوز كونفەرەنسياسى ءوتتى. بيىل «نۇرلى جول» مەملەكەتتىك باعدارلاماسى اياسىندا 4،6 مىڭ كم جولدى قايتا جاڭعىرتاتىن 24 اۆتوجول جوباسى ىسكە اسىرىلۋدا، ونىڭ 22ء-سى وتپەلى جوبا.

قازىرگى ۋاقىتتا جەتىباي-جاڭاوزەن، تالدىقورعان-وسكەمەن، قاندىاعاش-ماقات، بۋرىلبايتال-كۇرتى، قالباتاۋ-مايقاپشاعاي، مەركى-بۋرىلبايتال جانە استانانىڭ وڭتۇستىك-باتىس اينالما جولى جوبالارى بويىنشا قۇرىلىس جۇمىستارى ءجۇرىپ جاتىر.

«ۇزىناعاش-وتار» ۋچاسكەسىندە ۆاحتالىق قالاشىق پەن تەحنيكالاردى جۇمىلدىرۋ جۇمىستارى باستالدى، ال جىل سوڭىنا دەيىن بالقاش-بۋرىلبايتال ۋچاسكەسىن قايتا جاڭعىرتۋ جۇمىستارىن باستاۋدى جوسپارلاپ وتىرمىز. اقتوبە-ماقات جوباسى بويىنشا ۇزاقتىعى 159 كم اقتوبە-قاندىاعاش ۋچاسكەسىن جانە ۇزاقتىعى 277 كم بولاتىن اتىراۋ-استراحان اۆتوجولىنىڭ جۇمىستارىن قارجىلاندىرۋدى يدب-نەن ادب مەن ەقدب-نە اۋىستىرۋ تۋرالى شەشىم قابىلداندى. وسىنداي جاعدايلاردى ەسكەرە وتىرىپ، رەسپۋبليكالىق بيۋدجەت ەسەبىنەن «قازاۆتوجول» ۇك» اق اقتوبە-قاندىاعاش (60 كم)، اتىراۋ-استراحان (60 كم) ۋچاسكەلەرىندە 120 كم جولدى رەكوسترۋكسيالاۋدى باستادى»، - دەپ حابارلادى اۆتوموبيل جولدارى كوميتەتى ءتوراعاسىنىڭ ورىنباسارى امانگەلدى بەكوۆ.

سونداي-اق، 2021 جىلى اياقتالاتىن ۇلكەن الماتى اينالما اۆتوموبيل جولىنىڭ قۇرىلىسى باستالدى. جەرگىلىكتى اۆتوجول جەلىلەرىن قوسقاندا «نۇرلى جول» جوبالارىن ىسكە اسىرۋعا 100 مىڭ ادام جۇمىلدىرىلدى. «نۇرلى جول» باعدارلاماسىنىڭ جوبالارىنا پايدالانىلاتىن ماتەريالداردىڭ 95%-دان استامى وتاندىق وندىرۋشىلەردىكى. 2018 جىلدىڭ سوڭىندا 528 كم اۆتوجول قوزعالىسىن اشۋ جوسپارلانىپ وتىر. جولدا قىزمەت كورسەتۋ نىساندارىن دامىتۋعا ايرىقشا كوڭىل بولىنۋدە. قولدانىستاعى جول قىزمەتتەرى مەن ولاردىڭ ساپاسىن قامتاماسىز ەتۋ ءۇشىن بەلسەندى جۇمىس جۇرگىزىلۋدە.

«بۇگىنگى تاڭدا رەسپۋبليكالىق جەلىدە 1 859 بىرلىك جولدا قىزمەت كورسەتۋ نىسانى بار. بيىلعى ءبىرىنشى جارتىجىلدىقتىڭ قورىتىندىسى بويىنشا ولاردىڭ 42% -ى ۇلتتىق ستاندارتقا ساي كەلەدى (780 بىرلىك). جىل سوڭىنا دەيىن جولدا قىزمەت كورسەتۋ نىساندارىنىڭ ۇلتتىق ستاندارتقا ساي كەلەتىندەرىن 850 بىرلىككە نەمەسە 45%-عا جەتكىزۋ جوسپارلانىپ وتىر»، - دەدى امانگەلدى بەكوۆ.

بۇدان بولەك، قولدانىستاعى نىسانداردى جەتىلدىرۋمەن قاتار، قىزمەتتەردىڭ تولىق سپەكترى بار جاڭا نىسانداردى سالۋ جانە ۇلتتىق ستاندارت تالاپتارىنا ساي كەلەتىن مودۋلدىك KazWay پاۆيلوندارىن ورناتۋ جۇمىستارى جۇرگىزىلۋدە. قىزمەت كورسەتۋ نىساندارىن IRU Transpark، Google Maps، ياندەكس كارتا سيفرلى كارتالارىنا ەنگىزۋ جۇمىستارى ءجۇرىپ جاتىر.