اقتوبەدە جالپى قالالىق سەنبىلىكتەردى وتكىزۋ جالعاسۋدا. قالانىڭ تۇرعىندارى، مەملەكەتتىك قىزمەتشىلەر، كاسىپورىندار مەن ۇيىمداردىڭ قىزمەتكەرلەرى كۇرەكتەرىن قولعا الىپ، وبلىس ورتالىعىندا 10 مىڭنان استام اعاش وتىرعىزدى.

بۇل شارادان وبلىستىڭ باسشىلىعى دا قالىس قالمادى. وبلىس اكىمى بەردىبەك ساپاربايەۆ «دوستىق» ساياباعىنىڭ كوگالداندىرۋ جۇمىسىنا قاتىستى. بۇگىنگى كۇنى ونىڭ اۋماعىندا قىتايدان، تۇركيادان، گەرمانيادان، سلوۆاكيادان، رەسەيدەن جانە باسقا ەلدەردەن كەلگەن 50 شەتەلدىك كومپانيالاردىڭ ۇجىمدارى 1000-نان استام كوشەت وتىرعىزۋ جۇمىستارىن جۇرگىزۋدە.

«كۇن وتكەن سايىن اقتوبە ادەمىلەنىپ كەلەدى. مەملەكەت باسشىسىنىڭ تاپسىرماسىنا سايكەس، ەكولوگيانى جاقسارتۋ جانە قالانى كوگالداندىرۋ ماسەلەلەرىنە ەرەكشە كوڭىل ءبولىنىپ، اقتوبە تۇرعىندارىنىڭ بوس ۋاقىتىن وتكىزۋ ءۇشىن قولايلى جاعدايلار جاسالۋدا. تەك سوڭعى ءۇش جىلدا اقتوبەدە 48 جاڭا ساياباق جانە الاڭدار اشىلدى»، - دەدى وبلىس اكىمى.

ول سونداي-اق ازاماتتاردى وبلىس ورتالىعىن اباتتاندىرۋعا جانە كوگالداندىرۋعا بەلسەنە قاتىسۋعا شاقىردى.

سەنبىلىككە 8 مىڭنان استام ادام مەن 100 تەحنيكا جۇمىلدىرىلدى، ساياباقتار، الاڭدار مەن كوشەلەر 1،3 ملن. شارشى مەتر اۋماق تازارتىلدى. قوقىس الاڭىنا 70 توننا قوقىس اپارىلدى. 10 مىڭ كوشەت (تال، قاراعاي، اققايىڭ، تەرەك، الما) جانە 500 بۇتا وتىرعىزىلدى.

تابيعات جانە تابيعات رەسۋرستارىن پايدالانۋ باسقارماسىنىڭ مالىمەتىنشە وسى جىلدىڭ كۇزىندە اقتوبە وبلىسىندا 40 مىڭنان استام اعاش وتىرعىزىلادى.