اقتوبە وبلىسىندا 15 662 گەكتار سۋارمالى جەر قالپىنا كەلتىرىلەدى. بۇل ءۇشىن رەسپۋبليكادان 7 ملر 200 ملن تەڭگە اقشا بولىنگەن. جوبا ەۋروپالىق قايتا قۇرۋ جانە دامۋ بانكىنەن قارىز تارتۋ ارقىلى قارجىلاندىرىلماق.
وڭىردە سۋارمالى جەرلەردى ۇلعايتۋ جۇمىستارى قارقىندى ءجۇرىپ جاتىر. بيىلدان باستاپ 15 662 گەكتار سۋارمالى جەر قالپىنا كەلتىرىلەدى. ءقازىر 5 مەردىگەر كومپانيا 15 سۋ نىسانىندا جۇمىس جاساپ جاتىر.بۇل جوبا 5 اۋداندا جۇزەگە اسىرىلىپ جاتىر. سونداي-اق اقتوبە وبلىسىندا سۋارمالى القاپتاردىڭ اۋماعىن ۇلعايتۋ ءۇشىن 10 جاڭا سۋ قويماسى سالىنادى.
-بيىل وبلىستا 21،5 مىڭ گەكتار سۋارمالى جەرگە ءداندى داقىل ەگىلدى. ال كەلەسى جىلى قولدانىستاعى سۋارمالى جەر 8،9 مىڭ گەكتارعا ۇلعايتۋ جوسپارلانىپ وتىر. وسىلايشا 2021 جىلعا سۋارمالى جەر القابىن 40 مىڭ گا جەتكىزۋ جوسپارلانىپ وتىر. بۇدان وزگە وڭىردە جاڭادان 10 سۋ قويماسى سالىنادى. بۇل تاعى 30 مىڭ گەكتاردان استام جەردى سۋارۋعا مۇمكىندىك بەرەدى. شارۋا قوجالىقتارى ەگىن سالۋ كەزىندە جاڭا تەحنولوگيالاردى پايدالانادى. سايكەسىنشە ، الاتىن ءونىم دە مول بولادى. ءقازىر “كارتوپتىڭ 1 گەكتارىنان 250 سەنتنەر ءونىم الدىق” دەپ ماقتانىشپەن ايتادى. بۇل ناتيجە ەمەس. وتكەن جىلى “اكتەپ” كومپانياسى قارعالىدا “بيزنەستىڭ جول كارتاسى” باعدارلاماسى بويىنشا 640 گەكتار جەرگە ەگىن ەكتى. بيىل ءار گەكتارىنان 400 سەنتنەردەن ءونىم الدى. ياعني ، سۋارمالى جەرلەردىڭ پايداسى وتە كوپ، -دەيدى “قازسۋشار” رمك اقتوبە بولىمشەسىنىڭ ديرەكتورى بەكزات نامەتوۆ.
بۇعان قوسا “سازدى”، “اقتوبە” جانە “قارعالى” سۋ قويمالارىن قايتا جاڭعىرتىپ، سىيىمدىلىعىن ارتتىرۋ جۇمىستارى ءجۇرىپ جاتىر.
* سۋارمالى جەرلەردى قالپىنا كەلتىرۋ جۇمىستارى 5 اۋداندا جۇرگىزىلەدى. ماسەلەن، قالا ماڭىنداعى بلاگودار، سازدى، قۋرايلى ەلدى مەكەندەرىندە 2000 گەكتاردان استام جەر تۇراقتى سۋارۋ جۇيەسىنە قوسىلادى. بۇل جۇمىستار حرومتاۋ، قارعالى، العا مەن ويىل اۋداندارىندجا دا ءجۇرىپ جاتىر. ال سازدى وزەنىن اقتوبە سۋ قويماسىمەن جالعاستىراتىن سۋ جەلىسىنىڭ قۇرىلىسى وبلىس ورتالىعىنداعى جاسىل جەلەكتەردى كۇتۋ ءۇشىن پايدالانىلماق. بۇل ماقساتقا 1 ملرد 361 ملن تەڭگە قاراستىرىلعان،-دەيدى بەكزات نامەتوۆ.
جالپى وڭىردە 3 ءىرى سۋ قويماسى مەن 140-تان استام توعان بار. ءقازىر كوبىنىڭ پاسپورتى دايىندالىپ، تۇگەندەۋ جۇمىستارى جۇرگىزىلىپ جاتىر. مامانداردىڭ پايىمداۋىنشا، سۋارمالى جەرلەردى اينالىمعا ەنگىزۋ اۋىل شارۋاشىلىعىنداعى ەڭبەك ونىمدىلىگىنىڭ ارتتىرادى. سونداي-اق ايماقتاعى 8 مىڭعا جۋىق ادامدى جۇمىسپەن قامتاماسىز ەتۋگە جاعداي جاساماق.
