الماتىدا جاڭادان سايلانعان ءماسليحات دەپۋتاتتارى رەسمي تۇردە تانىستىرىلدى. اسحات شىلىكبايەۆقا، ميحايل گراچيەۆقا جانە گۇلناس احمەتوۆاعا توسبەلگى تاعىلىپ، كۋالىك تابىستالدى.

ەستەرىڭىزگە سالا كەتەيىك، وتكەن دەمالىستا قالالىق 3 ءماسليحات دەپۋتاتىنىڭ بوس ورىندارىنا كانديداتتار سايلانعان بولاتىن. ولار جاڭا قىزمەتتەرىنە كىرىسىپ كەتتى.

ءماسليحاتتىڭ كەزەكتى سەسسياسىندا حالىق قالاۋلىلارى الداعى جوسپارلارىمەن ءبولىستى. كۇن تارتىبىندە تۇرعان ماسەلەلەردىڭ ءبىرى – تەمەكى ونىمدەرىن تۇتىنۋدى ازايتۋ جۇمىستارى قاراستىرىلدى. ول ءۇشىن الەمدىك تاجىريبە قولدانىلماق.  

«سالاۋاتتى ءومىر سالتىن ناسيحاتتاۋ ماقساتىندا باعدارلامانىڭ ءىس-شارالارىنا تەمەكى ونىمدەرىن، ونىڭ ىشىندە كالندى تۇتىنۋ دەڭگەيىن تومەندەتۋدىڭ قوسىمشا يندەكاتور جوسپارى 2019 جىلعا ەنگىزىلىپ وتىر»، – دەدى الماتى قالاسى ەكونوميكا جانە بيۋدجەتتىك جوسپارلاۋ باسقارماسىنىڭ باسشىسى ءىلياس ۇسەروۆ.