الماتىدا 2021 جىلعا قاراي انالوگتىك حابار تاراتۋ تولىقتاي وشىرىلەدى. ءقازىر «سيفرلى قازاقستان» مەملەكەتتىك باعدارلاماسى اياسىندا قالادا ساندىق حابار تاراتۋ جوباسى قولعا الىندى.

ال رەسپۋبليكا كولەمىندە بۇل شارا كەزەڭ-كەزەڭىمەن جۇرگىزىلەدى. جىل سوڭىنا دەيىن ءداستۇرلى انالوگتىك حابار تاراتۋ جۇيەسى ماڭعىستاۋ، تۇركىستان وبلىستارى مەن شىمكەنت قالاسىندا توقتاتىلادى. ساندىق فورماتقا اۋىسۋ ەلدى-مەكەندەردە جوعارعى ساپادا 30-عا جۋىق تەلەارنانىڭ سيگنالىن قابىلداۋعا مۇمكىندىك بەرەدى. ەڭ باستىسى، جاڭا سيفرلى جۇيەگە قوسىلعان ابونەنتتەردەن تولەم الىنبايدى.  

«ساندىق حابار تاراتۋ ەلىمىز ءۇشىن باسىم باعىتتاردىڭ ءبىرى. وعان اۋىسۋ كەزەڭ-كەزەڭمەن جۇرگىزىلەدى. ناتيجەسىندە، تەليەۆيزيالىق جانە راديوحابارلاردىڭ سانىنىڭ ارتۋىنا مۇمكىندىك بەرمەك. ءبىر جاعىنان جارناما نارىعىن دا دامىتۋعا سەپتەسەدى. وبلىس ورتالىقتارى مەن قالالاردا 30 تەلەارناعا دەيىن، اۋىلداردا 15 تەلەارناعا دەيىن كورۋگە بولادى. ءقازىردىڭ وزىندە ول ارنايى قۇرىلعى ارقىلى قولجەتىمدى»، – دەدى «قازتەلەراديو» اق باسقارماسى الماتى وبلىستىق راديو، تەلەحابار تاراتۋ ديرەكسياسىنىڭ ديرەكتورى قايسار رازدىقوۆ.