الماتىدا «پەداگوگيكالىق يدەيالار پانوراماسى» دەپ اتالاتىن رەسپۋبليكالىق بايقاۋدىڭ وڭىرلىك كەزەڭى مارەسىنە جەتتى. 1 ماۋسىمدا باستالعان ايتۋلى شارانى «ورلەۋ» بىلىكتىلىكتى ارتتىرۋ ۇلتتىق ورتالىعى» ۇيىمداستىرعان.

بايقاۋدىڭ ەرەكشەلىگى سول، وعان جاڭاشا ويلايتىن، ىزدەنىمپاز، زاماناۋي تەحنولوگيالاردىڭ ءتىلىن مەڭگەرىپ، ءدارىستى وقۋشىعا جەڭىل ءارى قىزىقتى ەتىپ وتكىزە الاتىن مۇعالدىمدەر قاتىستى.

ۇستازدار كونكۋرسى 22 نوميناسيادان تۇرادى. باستى ماقسات – ءبىرىڭعاي ءاقپاراتتىق-بىلىم كەڭىستىگىندە زاماناۋي پەداگوگيكالىق تاجىريبەنى جيناقتاۋ جانە ناسيحاتتاۋ، پەداگوگتەردىڭ اقپاراتتىق-كوممۋنيكاسيالىق جانە تەحنولوگيالىق قۇزىرەتتىلىكتەرىن ارتتىرۋ. بايقاۋعا مەكتەپكە دەيىنگى، ورتا، قوسىمشا، تەحنيكالىق جانە كاسىپتىك مەكتەپتەردىڭ مۇعالىمدەرى قاتىستى.

ەرەجەگە سايكەس، پەداگوگتار ساباقتى ۆيدەو-فورماتتا جانە پراكتيكالىق-زەرتحانالىق نەگىزدە وتكىزگەن. بارلىعى 115 ءمۇعالىمنىڭ جۇمىسى ءادىل قازىلار القاسىنىڭ ساراپتاۋىنا جىبەرىلىپتى.

بايقاۋ ناتيجەسىندە 61 مۇعالىمگە سەرتيفيكات بەرىلگەن. ال، 22 نوميناسيا بويىنشا جۇلدەلى ورىنداردى ءوزارا بولىسكەن 54 ۇستاز رەسپۋبليكالىق كەزەڭدە ب ا ق سىنايتىن بولادى. اتالعان سايىستا مۇعالىمدەردىڭ جۇمىستارى كوپشىلىك نازارىنا ۇسىنىلىپ، كەيىن داۋىس بەرۋ ارقىلى جەڭىمپاز انىقتالادى.