الماتى مۇمكىندىگى شەكتەۋلى جاندارعا 4 ميلليارد تەڭگە جۇمساپتى. بۇل قاراجاتقا جاردەماقى، ارنايى الەۋمەتتىك قىزمەتتەر مەن سانيتارلىق-كۋرورتتىق ەمدەۋ جۇمىستارىن ۇيىمداستىرۋ دا كىرەدى.

ءقازىر قالامىزدا 42 مىڭعا جۋىق مۇگەدەك بولسا، ولاردىڭ 5 مىڭى – بالالار. بۇگىن حالىقارالىق مۇگەدەكتەر كۇنىنە وراي، ەرەكشە بالالاردىڭ قولدارىنان شىققان دۇنيە كوپشىلىك نازارىنا ۇسىنىلدى.  

«ءبىزدىڭ باسقارما «رۋحاني جاڭعىرۋ» باعدارلاماسى اياسىندا مۇمكىندىگى شەكتەۋلى بالالاردىڭ قاتىسۋىمەن ءتۇرلى ءىس-شارا وتكىزىپ جاتىر. ءقازىر بالالاردىڭ وزدەرى قاتىسۋعا نيەت بىلدىرەتىن بولدى. وزدەرىڭىز كورىپ تۇرعانداي، كورمەگە بالالاردىڭ ءوز قولدارىنان شىققان دۇنيەلەر قويىلعان. ءبىز ءبارىنىڭ تەڭ قۇقىقتا بولعانىن قالايمىز»، – دەدى الماتى قالاسى جۇمىسپەن قامتۋ جانە الەۋمەتتىك باعدارلامالار باسقارماسى باسشىسىنىڭ ورىنباسارى ءلاززات جەتىبايەۆا.