الماتىدا وتكەن جالپىقالالىق سەنبىلىككە 180 مىڭ ادام قاتىستى.
وتكەن سەنبى كۇنى الماتىدا جالپىقالالىق سەنبىلىك ۇيىمداستىرىلدى. تازالىققا ەرەكشە ءمان بەرەتىندەر كوشەلەردى، اۋلالاردى، قوعامدىق ورىندار مەن ارىق جۇيەلەرىن، سونداي اق وزەن ارنالارى مەن جاعالاۋىن قوقىستان تازارتتى.
اۋدان اكىمدىكتەرى سەنبىلىككە شىققان ازاماتتاردى قاجەتتى قۇرالدارمەن قامتاماسىز ەتتى. ءتۇرلى ۇيىمدار، مەديسينا جانە ءبىلىم بەرۋ مەكەمەلەرىنىڭ قىزمەتكەرلەرى، پاتەر يەلەرى كووپەراتيۆتەرى مەن ستۋدەنتتەر بىرگە جۇمىلدى.
«قار تۇسپەس بۇرىن ءبىز قالانى قوقىستان تازارتۋ ماقساتىندا وسى سەنبىلىكتى ۇيىمداستىردىق. شاراعا 180 مىڭنان استام الماتىلىق قاتىسىپ، ولار جيناعان قوقىستى 800-دەن استام ارنايى تەحنيكا تاسىدى»، – دەدى الماتى قالاسى تابيعي رەسۋرستار جانە تابيعاتتى پايدالانۋدى رەتتەۋ باسقارماسىنىڭ باس مامانى الەكساندر سەرگەيەۆ.
