دارىگەرلەردىڭ دە ۇستازدار سەكىلدى ستاتۋسى زاڭداستىرىلسا. الماتىلىقتارمەن ەلباسى جولداۋىن تالقىلاۋعا كەلگەن پارلامەنت ءماجىلىسىنىڭ دەپۋتاتى ومارحان وكسىكبايەۆقا اق حالاتتىلار وسىنداي ۇسىنىس ايتتى.

ال بۇگىن ءماجىلىس دەپۋتاتى ەلەكترلىك ءليفتى شىعاراتىن «الاتاۋ» كومپانياسىنىڭ جۇمىسشىلارىمەن كەزدەستى. ءوندىرىس ورنى 30 ادامدى جۇمىسپەن قامتىپ وتىر. مۇندا 400 كەلىدەن 2 تونناعا دەيىن جۇك كوتەرە الاتىن ەلەكترلى جەدەلساتىلار شىعارىلادى. كومپانيا ونىمدەرى ەلىمىزبەن قاتار، تمد ەلدەرىنىڭ دە نارىعىنا جەتكىزىلەدى.

كەزدەسۋ بارىسىندا كومپانيا جۇمىسشىلارى دەپۋتاتقا ءوز ساۋالدارىن جولدادى. ايتۋلارىنشا، وتاندىق تاۋار ءوندىرۋشى رەتىندە ءوزىمىزدىڭ تۇتىنۋشىلاردان تۇسەتىن سۇرانىستىڭ ازدىعى الاڭداتادى ەكەن.

«قاۋىپسىزدىك ماسەلەسىنە دەن قويا وتىرىپ، بۇل كومپانيانىڭ شىعارىپ جاتقان ونىمدەرى ۇلكەن سۇرانىسقا يە بولادى دەگەن سەنىمىم زور. دەگەنمەن، وزدەرىنىڭ دە وتاندىق تاۋارعا سۇرانىس ماسەلەسىنىڭ ءالى تولىق شەشىلمەي جاتقانىن ايتۋدا. ورتالىققا بارىپ، ۇكىمەتتە وسى ماسەلەنى دە كوتەرەمىن عوي دەگەن نيەتتەمىن»، – دەدى ق ر پارلامەنتى ءماجىلىسىنىڭ دەپۋتاتى ومارحان وكسىكبايەۆ.

جولداۋداعى ءار سالاعا بولىنگەن قارجىنىڭ تيىمدىلىگىن ارتتىرۋ ماسەلەسى دە الماتىلىقتار تاراپىنان ۇلكەن قولداۋ تاۋىپ وتىر. سونىمەن قاتار، ينفلياسياعا توتەپ بەرەتىن شارالار كۇشەيتىلسە دەيدى جۇرت.