الماتىدا شاعىن جانە ورتاز بيزنەس وكىلدەرىنىڭ قۇقىعىن قورعايتىن كاسىپوداق قۇرىلدى. ويتكەنى، بۇل سالادا شامامەن، 1 ميلليوننان استام ادام ەڭبەك ەتەدى.

اشىلعانىنا ءبىر اي دا بولماعان سالالىق ۇيىمعا ءقازىردىڭ وزىندە 15 مىڭنان استام جۇمىسكەر تىركەلىپ ۇلگەرگەن. بولاشاقتا كاسىپوداقتاعى جۇمىسكەرلەر سانىن 100 مىڭعا جەتكىزۋ جوسپاردا بار. جاڭا فورماتتاعى كاسىپوداق فريلانسەرلەرگە، ياعني ءوزىن-وزى جۇمىسپەن قامتىپ جۇرگەندەرگە دە كومەك كورسەتپەك. ماماندار ەلىمىزدە 2 ميللوننان استامدى وسى توپقا جاتقىزعان. جاڭا كاسىپوداقتىڭ جۇمىس بارىسى تەك ەلەكتروندى تۇردە، ال قارىم-قاتىناس ءموبيلدى قوسىمشا ارقىلى جۇزەگە اسادى.  

«وسى سالادا كاسىپوداقتىڭ بولۋى، كاسىپوداقتىڭ جۇمىس بەرۋشىلەرمەن بىرلەسىپ جۇمىس ىستەۋى وتە ماڭىزدى. سوندىقتان ءبىز كاسىپوداقتارعا كىرىپ، وسى جۇمىستى جانداندىرۋعا كۇش سالامىز. جۇمىسكەرلەردىڭ كوپشىلىگى وسى ورتا جانە كىشى بيزنەسكە اۋىسىپ جاتىر. ال جۇمىسكەرلەردىڭ قۇقىعىنىڭ قورعالۋى قازىرگى تاڭدا ءالسىز، ناشار دەپ ايتۋعا بولادى»، – دەدى ق ر كاسىپوداقتار فەدەراسياسى الەۋمەتتىك-ەكونوميكالىق قاتىناستار جانە الەۋمەتتىك ارىپتەستىك كوميتەتىنىڭ ءتوراعاسى ساتىبالدى داۋلەتالين.