2019 جىلدان باستاپ ەڭ تومەنگى ايلىق 1،5 جارىم ەسەگە وسەدى. ياعني، 42 500 تەڭگە بولماق.

سونىمەن قاتار، 275 مىڭ مەملەكەتتىك قىزمەتكەردىڭ تابىسى 35 پايىزعا ارتادى. بۇدان وزگە، 4ء-شى دارەجەلى قىزمەتكەرلەردىڭ، اكىمشىلىك جانە تەحنيكالىق سالا جۇمىسشىلارىنىڭ جالاقىلارى كوتەرىلەدى. بۇل تۋرالى الماتىعا ارنايى ىسساپارمەن كەلگەن سەناتور داريعا نازاربايەۆا الماتىلىق دارىگەرلەرمەن كەزدەسۋدە ايتتى. جيىندا سونداي-اق، ەلباسىنىڭ حالىققا جولداۋى تالقىلاندى.  

«ەلباسى جولداۋىندا مەديسينالىق قىزمەتتىڭ ساپاسىنا ءمان بەرىلۋ كەرەك ەكەنى ايتىلعان. سوندىقتان 2019 جىلدىڭ اقپان ايىنان باستاپ ۋچاسكەلىك دارىگەرلەردىڭ جالاقىسىن كەزەڭ-كەزەڭمەن 20 پايىزعا ءوسىرۋ قاراستىرىلدى. وعان 5 ميلليارد تەڭگە بولىنەدى. وسى جىلدىڭ سوڭىندا پيلوتتىق رەجيمدەگى قاعازدان باس تارتۋ جوباسى اياقتالادى. الماتى بۇل تۇرعىدا جاقسى جۇمىس ىستەپ كەلەدى ەكەن. ەلەكتروندى جۇيە دارىگەرلەردىڭ دە، اۋرۋحاناعا كەلگەن ادامنىڭ دا ۋاقىتىن ۇنەمدەپ، تيىمدىلىگىن كورسەتەتىنىنە سەنىمدىمىن»، – دەدى ق ر پارلامەنتى سەناتىنىڭ دەپۋتاتى داريعا نازاربايەۆا.