الماتىدا مەدەۋ اۋدانىنىڭ ارداگەرلەرى مەن مۇعالىمدەرى باس قوستى.
مەدەۋ اۋدانىنىڭ اكىمدىگى ارداگەرلەردىڭ، مۇعالىمدەر مەن كاسىپكەرلەردىڭ باسىن قوسىپ، ەلباسى جولداۋىن تالقىلادى. جينالعاندار كۇرمەۋى كوپ كۇردەلى ماسەلەلەر قامتىلعان، ءاربىر ازاماتتىڭ ءال-اۋقاتىن ارتتىرۋعا باعىتتالعان قۇجاتتىڭ ماڭىزدى تۇستارىن اتاپ ءوتتى. ولار جولداۋداعى مىندەتتەردى بىرلەسە ورىنداۋعا ۋاعدالاستى.
«بارشاڭىزدى قويىلعان مىندەتتەردى بەلسەنە ىسكە اسىرۋعا شاقىرامىن. اسىرەسە جاستار بەلسەندىرەك بولسا ەكەن دەيمىن. ويتكەنى، 2019 جىلدى «جاستار جىلى» دەپ جاريالاۋدى ۇسىنعان ەلباسىنىڭ بۇگىنگى جولداۋى ءبىر كۇندە ايتىلا سالعان اڭگىمە ەمەس. بۇل ەلدىڭ بولاشاعى تەرەڭنەن تولعانىپ شەشىلگەن تاريحي قۇجات. سوندىقتان جولداۋدىڭ نەگىزگى باسىمدىقتارىن ىسكە اسىرۋ بىزدەر مەن سىزدەرگە ۇلكەن مىندەت»، – دەدى الماتى قالاسى مەدەۋ اۋدانىنىڭ اكىمى ەرجان جىلقىبايەۆ.
