الماتىنىڭ پەداگوگتارى بالاباقشالارعا ارنالعان ادىستەمەنى ەنگىزۋ بويىنشا تاجىريبەنىڭ ءۇشجىلدىعىن قورتىندىلادى.

2016 جىلدان باستاپ قالاداعى 6 بالاباقشا يننوۆاسيالىق جۇيە بويىنشا جۇمىس ىستەۋدە. بۇلدىرشىندەر الەمدى قۇم تەراپياسى، ويىن تەحنولوگيالارى ارقىلى تانىعان. ال لوگيكالىق ويلاۋدى دەنيش بلوكتارى ارقىلى ۇيرەنىپتى.  

«قولدانىلعان تەحنولوگيالاردى ارنايى تاڭدالىپ الىنعان بالاباقشالاردا سىناپ كوردىك. ولاردىڭ بارلىعى بالاقايلاردى جالىقتىرمايدى. ويىن فورماتىندا جۇرگىزىلگەندىكتەن شارشامايدى. دەنەش تەكشەلەرى ادىستەمەنىڭ ءبىر ءتۇرى. ادىستەمە الدىمەن پەداگوگتاردىڭ ءوز قىزمەتتەرىندە ءتۇرلى تاربيەلەۋ قۇرالدارى مەن جولدارىن ويلاپ تابۋى ءۇشىن قاجەت»، – دەدى الماتى قالاسى №113 بالاباقشانىڭ مەڭگەرۋشىسى شولپان قالياسقاروۆا.  

قازاقستان بويىنشا تاجىريبەگە 77 مەكتەپكە دەيىنگى مەكەمە قاتىسقان. ءارقايسىسىنىڭ ءوز ادىستەرى بولىپتى. ال ءۇشجىلدىق تاجىريبەنىڭ ناتيجەسى ءبىلىم مينيسترلىگى ماقۇلداعان ادىستەمەلىك قۇرالعا ەنگىزىلگەن. وسىلايشا، 2019 جىلدان باستاپ بارلىق بالاباقشا 1 جاستان 6 جاسقا دەيىنگى بالالاردى دامىتۋعا ارنالعان ءبىرىڭعاي باعدارلامانى قولداناتىن بولادى.