بۇگىن «كرىلوۆ» اتىنداعى بالالار كىتاپحاناسىندا شاكارىم قۇدايبەردى ۇلىنىڭ 160 جىلدىعى اتالىپ ءوتتى.
كەشكە ارنايى كەلگەن قوناقتار بەلگىلى قازاق ويشىلىنىڭ ەڭ ۇزدىك تۋىندىلارىن تىڭداۋ مۇمكىندىگىنە يە بولدى. اقىننىڭ قۇرمەتىنە ارنالعان مادەني كەشتى الماتى وقۋشىلارى ۇيىمداستىرعان. كەشكە كەلگەن قوناقتار قاتارىندا ەلىمىزدىڭ قۇرمەتتى مادەنيەت قايراتكەرلەرى، اكتەر-انشىلەر مەن فيلولوگتار بولدى.
«بۇگىن مەنىڭ سىنىپتاستارىممەن شاعىن كونسەرت دايىنداپ قويدىق، دالىرەك ايتقاندا، شاكارىم قۇدايبەردى ۇلىنىڭ ولەڭدەرىن وقىپ شىعامىز جانە ونىڭ اندەرىن ايتامىز. مەن ءۇشىن شاكارىم قۇدايبەردى ۇلى – ۇلى اقىن، سەبەبى، ول قازاقتاردىڭ كوزىن اشقىسى كەلدى، حالىققا ءتالىم بەرىپ، شىنايى ولەڭدەر جازدى»، – دەيدى اقنيەت قاجىمۇرات.
