الماتىدا جازۋشى تاكەن ءالىمقۇلوۆتىڭ 100 جىلدىعى اتالىپ ءوتتى.

بۇگىن قازاق ادەبيەتىندە وزىندىك ەرەكشە قولتاڭباسى قالعان تاكەن ءالىمقۇلوۆتىڭ 100 جىلدىق مەرەيتويىن قالام تەربەگەن قاۋىم مەن ادەبيەت مايتالمانىنىڭ جاقىندارى اتاپ ءوتتى.

جازۋشىلار وداعىندا بولعان كەشكە مادەنيەت جانە سپورت مينيسترلىگىنەن كەلگەن قۇتتىقتاۋدان باستاپ، جازۋشى، اقىن ءارى ادەبيەت سىنشىسى تاكەن ءالىمقۇلوۆتىڭ  جەرلەستەرىنەن ءبىر توپ دەلاگاسيا قاتىستى.

اسا كورنەكتى جازۋشى شىعارماشىلىققا 1941 جىلى زاۋىتتا جۇمىس ىستەپ جۇرگەندە بەت بۇرا باستاعان. «وڭتۇستىك قازاقستان» ،»لەنينشىل جاس» گازەتىندە قىزمەت ەتتى. «ساپار» العاشكى ولەڭدەر جيناعى 1950 جىلى جارىق كوردى. ايتا كەتەيىك، تاكەن ءالىمقۇلوۆ فرانسۋز ەرتەگىسى، ورىس جانە ازەربايجان اقىندارىنىڭ ولەڭدەرىن قازاق تىلىنە اۋدارعان.

«مەن ونى ءۇيىرى جوق كوكجال دەپ ايتار ەدىم،. سولاي بوپ كەلدى، سولاي بوپ ءوتتى دۇنيەدەن. ونىڭ «اق بوز ات» دەگەن شىعارماسى بۇكىل ادەبيەتىمىزدى دۇرلىكتىرىپ، ۇلكەن قوزعالىسقا تۇسىرگەن. ودان كەيىن «تۇلپاردىڭ تاعدىرى» دەگەن ەكى رومانى بار. قالعاندارى پوۆەستتەر، اڭگىمەلەر. تۋىندىلارىنىڭ قاي-قايسىسىن الساڭىز دا، بوز دالانىڭ ءيىسى بۇرقىراپ تۇرادى»، – دەدى اقىن وسپان سەيفوللا.