الماتىدا مەدەۋ اۋدانىنىڭ تۇلەكتەرى باس قوستى. ءتۇرلى سالادا جەتىستىككە جەتكەن ازاماتتار، قوعام قايراتكەرلەرى مەن كاسىپكەرلەر اۋدانداعى مەكتەپتەردى دامىتۋ ماسەلەسىن تالقىلادى.

وسىمەن ءۇشىنشى جىل قاتارىنان ۇيىمداستىرىلىپ وتىرعان فورۋمنىڭ ماقساتى – اۋدانعا ينۆەستيسيا تارتۋ. 500 تۇلەك جينالعان فورۋمدا «نۇرلى جەر» باعدارلاماسى اياسىندا قۇنى 35 ميلليون تەڭگە بولاتىن جابىق فۋتبول الاڭى سالىناتىنى بەلگىلى بولدى.  

«جالپى، 2 جىلدىڭ قورىتىندىسى جامان ەمەس. اۋىز تولتىرىپ ايتاتىنداي جۇمىستار بار. 160 ميلليون تەڭگەدەن استام ينۆەستيسيالار تارتىلدى. ونىڭ ىشىندە، 5 جابىق فۋتبول الاڭى، 1 بالاباقشا، 1 مەكتەپ سالىندى. 2-3 مەكتەپكە كۇردەلى جوندەۋ جۇمىستارى وسى ينۆەستورلاردىڭ ەسەبىنەن جۇرگىزىلدى»، – دەدى الماتى قالاسى مەدەۋ اۋدانىنىڭ اكىمى ەرجان جىلقىبايەۆ.