الماتىدا قاتەرلى ىسىك ءتۇرىن انىقتايتىن جەكە ەمحانا اشىلدى.
مەديسينا تاقىرىبىندا تاعى ءبىر جاڭالىق. الماتىدا كورەيالىق جەكە ەمحانا اشىلدى.
وڭتۇستىك كورەيا ماماندارىنىڭ قولداۋىمەن اشىلعان امبۋلاتورلىق ەمدەۋ ورتالىعى جۇقپالى جانە گەنەتيكالىق اۋرۋلاردى ەمدەۋدەن بولەك، قاتەرلى ىسىك ءتۇرىن دە جىلدام انىقتايدى. جاڭا ەمحانا قىرۋار قارجى جۇمساپ، شەتەل اساتىن ناۋقاستار سانىن ازايتىپ، ولاردىڭ ۋاقىتىن ۇنەمدەۋگە دە مول مۇمكىندىك بەرمەك.
ەمحاناعا قاجەتتى جابدىقتار سينگاپۋردەن جەتكىزىلەدى. مەديسينالىق مەكەمە قىزمەت ساپاسىن ارتتىرۋ ماقساتىندا سەۋلدەگى الدىڭعى قاتارلى ۇلتتىق عىلىمي ورتالىقتارمەن بىرلەسە جۇمىس جۇرگىزەدى. ءبىراق ورتالىقتا كارديولوگيا، جۇيكە اۋرۋلارى، تەراپيا، گينەكولوگيا، پەدياتريا سىندى قىزمەت تۇرلەرى كورسەتىلگەنمەن، حيرۋرگيالىق وپەراسيالار جاسالمايدى.
«ءبىز بولاشاقتا قازاقستاننىڭ بارلىق اۋماعىندا عانا ەمەس، تدم ەلدەرىندە دە بولىمشەلەرىمىزدى اشۋدى جوسپارلاپ وتىرمىز. مەديسينالىق قىزمەت تۇرىمەن قاتار فارماسەپتيكا سالاسىندا دامىتۋ كوزدەلگەن»، – دەدى مەديسينالىق ورتالىقتىڭ ديرەكتورى مين حيسۋك.
