تۇبەكتە تۇڭعىش رەت ۇيىمداستىرىلعان بوكستان ەرلەر اراسىنداعى ق ر چەمپيوناتى ءوز مارەسىنە جەتتى. ەسىمدەرى ەلگە تانىس بوكسشىلاردىڭ  شارشى الاڭداعى شەبەرلىگىنە كۋا بولىپ، ەكىنىڭ بىرىنە بۇيىرا بەرمەيتىن ءتۋرنيردى ءوز كوزىمەن تاماشالاعان جەرگىلىكتى حالىقتىڭ قۋانىشىندا شەك جوق. جەتى كۇن بويى ماڭعىستاۋ ارەنا  كەشەنى كورەرمەنگە لىق تولىپ، جاستاردىڭ رۋحىن جىگەرلەندىرگەن جارىس بولعانى انىق.

تۋرنير قورىتىندىسى بويىنشا، كوماندالىق ەمەپتە ءبىرىنشى ورىندى 2 التىن، 3 كۇمىس جانە 2 قولا مەدالمەن تۇركىستان وبلىسى، ەكىنشى ورىندى  ءبىر التىن، ءۇش كۇمىس جانە ءتورت قولا مەدالمەن ماڭعىستاۋ، ال ءۇشىنشى ورىندى جامبىل وبلىسى 1 التىن، 2 كۇمىس جانە ءۇش قولا مەدالمەن قورىتىندىلادى.

ايتۋلى شاراعا ەلىمىزدىڭ 14 وبلىسى مەن 3 رەسپۋبليكالىق ماڭىزى بار قالادان بارلىعى 206 سپورتشى قاتىستى. قاتىسۋشىلاردىڭ قاتارىندا الەمدىك ارەنالاردا توپ جارىپ جۇرگەن قايرات ەرالييەۆ، ۆاسيليي ليەۆيت، ءابىلحان امانقۇل، اسلانبەك شىمبەرگەنوۆ، بەكداۋلەت يبراگيموۆ، ابىلايحان ءجۇسىپوۆ، تەمىرتاس ءجۇسىپوۆ، يلياس سۇلەيمەنوۆ، ەرىك ءالجانوۆ، اعايىندى تولتايەۆتار بار. جۇزدەن جۇيرىك شىققاندار كەلەر جىلى وتەتىن ازيا جانە الەم چەمپيوناتتارىندا ب ا ق سىنايتىن بولادى.

جابىلۋ سالتاناتىن ءسوز العان وبلىس اكىمى ەرالى توعجانوۆ ءتۋرنيردىڭ جوعارى دەڭگەيدە وتۋىنە ات سالىسىپ، قولداۋ كورسەتكەن قازاقستان بوكس فەدەراسياسىنىڭ باسشىلىعىنا العىسىن ايتىپ،  جارىستىڭ قۇرمەتتى قوناعى ەرماحان ىبرايىموۆ، باقتيار ارتايەۆ، بولات ءجۇمادىلوۆ، باۋىرجان وسپانوۆ، مىرزاعالي ايتجانوۆ، مارات مازىمبايەۆ، مەرەي اقشالوۆ، ءبىرجان جاقىپ، نۇرجان كارىمجانوۆقا ماڭعىستاۋ حالقىنىڭ اتىنان ريزاشىلىعىن ءبىلدىردى. سونداي-اق، "سپورت  سالاسى قاشاندا ەلباسىمىز نۇرسۇلتان ءابىش ۇلىنىڭ باستى نازارىندا. ءتىپتى حالىققا ارناعان ءار جولداۋىندا دا وتاندىق سپورتتى دامىتۋ جانە سالاۋاتتى ءومىر سالتىن ناسيحاتتاۋعا باسىمدىق بەرە وتىرىپ، الدىمىزعا ناقتى تاپسىرمالار قويعان بولاتىن. سەبەبى، بۇگىنگى جاس سپورتشىلار – ەرتەڭگى ەلدىڭ مىقتى ازاماتتارى مەن ەل مەرەيىن اسقاقتاتاتىن چەمپيوندار. تىنىمسىز تەر توگىپ، ايانباي ەڭبەك ەتكەن ەلىمىزدىڭ سپورتشىلارىنىڭ تۋعان ەلىمىزدىڭ داڭقىن اسىرىپ، جاڭا بيىكتەردى باعىندىرا بەرۋلەرىڭە شىن جۇرەكتەن تىلەكتەسپىن" دەدى ايماق باسشىسى.

سونىمەن قاتار، سالتاناتتى شارادا ەكى بىردەي وليمپيادا ويىندارى مەن الەم چەمپيوناتتارىنىڭ ەكى دۇركىن كۇمىس جۇلدەگەرى، ازيا ويىندارىنىڭ چەمپيونى،  ادىلبەك نيازىمبەتوۆ ۇلكەن سپورتتاعى كارەراسىن اياقتاعان مالىمدەدى.

كوپشىلىك الدىندا بوكسشىمىزعا قۇرمەت كورسەتىلىپ، حالىق زور قوشەمەتپەن شىعارىپ سالدى. ادىلبەك باۋىرىمىزدىڭ وتاندىق بوكس الدىندا سىڭىرگەن ەڭبەگى وراسان زور. ەكى بىردەي وليمپيادانىڭ جۇلدەگەرى اتانۋ كەز كەلگەن سپورتشىنىڭ قولىنان كەلمەيدى. سوندىقتان ادىلبەك الداعى ۋاقىتتا تەك جاڭا بەلەستەردى باعىندىرادى دەپ سەنەمىز جانە سپورتتىق عۇمىرىنداعى تاجىريبەسىن وسكەلەڭ ۇرپاققا، تاۋەلسىز ەلىمىزدىڭ وركەندەۋىنە باعىتتايتىنىنا ەش كۇمانىمىز جوق دەدى، وبلىس اكىمى ەرالى توعجانوۆ. ماڭعىستاۋدىڭ تاعى ءبىر باتىر ۇلى، حالىقارالىق دارەجەدەگى سپورت شەبەرى، بوكستان ازيا چەمپيونى، الەم چەمپيوناتىنىڭ قولا جۇلدەگەرى، بىرنەشە دۇركىن ەل چەمپيونى، بەرىك ابدراحمانوۆ تا بىلعارى قولعابىن شەگەگە ءىلىپ، شارشى الاڭداعى ورنىن كەيىنگى جاستارعا اماناتتادى. الداعى جوسپارى شاكىرت تاربيەلەپ، ماڭعىستاۋ بوكس مەكتەبىنىڭ دامۋىنا ءوز ۇلەسىمدى قوسسام دەيدى.