«كوكجايلاۋ» تاۋ شاڭعىسى كۋرورتىنىڭ جوباسى بويىنشا وتكىزىلگەن كەزەكتى قوعامدىق تىڭداۋلار قوعامدا ءبىراز داۋ تۋعىزدى. تاراپتار اراسىندا سىندارلى ديالوگ بولادى دەپ كۇتىلگەن، الايدا قارسىلاستاردىڭ تاكتيكاسىنا قاراپ ولاردىڭ تەك ءبىر عانا مىندەتى بولعانىن بايقاۋعا بولادى – ءوزارا ديالوگتى توقتاتۋ. بەلسەندىلەردىڭ بۇنداي ارەكەتتەرى ازاماتتىق پوزيسيادان تۋىنداعانىن كورسەتپەيدى، كەرىسىنشە ماتەريالدىق تۇرعىدا تۋىنداعان سەكىلدى، مىسالى دەموكراتيانى قولداۋ ماقساتىندا ۇلتتىق قوردىڭ گرانتىن ازىرلەۋ سەكىلدى. بۇل جايىندا Qamshy.kz اقپارات اگەنتتىگى Newtimes.kz سايتىنىڭ اقپاراتىنا سۇيەنە وتىرىپ حابارلايدى.
اشىق اقپارات كوزدەرىنەن الىنعان مالىمەتتەرگە سايكەس، NED Foundation – بۇل اقش كونگرەسى مەن مەملەكەتتىك دەپارتامەنتتىڭ باقىلاۋىندا بولاتىن جەكە كوممەرسيالىق ەمەس ۇيىم. جىل سايىن NED الەمنىڭ 90-نان استام ەلىندە ۇەۇ-عا مىڭنان استام گرانتقا قارجى بولەدى. پوسكەڭەستىك كەڭىستىكتەگى اۋماقتاردا كوبىندە رەسەيلىك ۇەۇ-عا قارجى بولىنگەن، سونىمەن قاتار، گرۋزياداعى 30-دان استام جوبالارعا، قىرعىزستان مەن ارمەنياداعى 50-گە جۋىق جوبالارعا قارجى بولىنگەن. ۇيىمنىڭ جوبالاردى قارجىلاندىرۋ تۋرالى اقپاراتتار www.ned.org سايتىندا كورسەتىلگەن. ەۋرازيا ايماعىندا وسى تىزىمگە «جاسىل قۇتقارۋ» ەكولوگيالىق قاۋىمداستىعى كىرەدى، وعان بەلسەندىلەر سۆەتلانا سپاتار مەن سەرگەي كۋراتوۆ تىكەلەي قاتىستى. 2017 جىلى «جاسىل قۇتقارۋ» قاۋىمداستىعى جەكە جانە قوعامدىق ۇيىمدارعا ءوز ىستەرىن ۇلتتىق جانە حالىقارالىق سوتتاردا ۇسىنۋعا جانە ولاردىڭ قورىتىندىلارىن جاريالاۋعا كومەكتەسۋ ءۇشىن شەتەلدىك قوردان 84 050 اقش دوللارى كولەمىندە سۋبسيديا الدى.
سۋبسيديا العانى تۋرالى اقپارات «جاسىل قۇتقارۋ» قاۋىمداستىعىنىڭ سايتىندا راستالعان. ايتا كەتەيىك، باسقا دا دەمەۋشىلەر اراسىندا تاعى 8 شەتەلدىك دونور بار.
گرانتقا يە بولعانداردىڭ قاتارىندا «ۇيدەگى تازالىق» اتتى قوعامدىق قور دا بار، ونىڭ باسشىسى بەلسەندى اباي ەرەكەنوۆ بولىپ تابىلادى.
NED Foundation سايتىندا كورسەتىلگەن مالىمەتتەرگە سايكەس، وتكەن جىلى «ۇيدەگى تازالىق» قوعامدىق قورىنا 37 000 ەۆرو كولەمىندە قارجى بولىنگەن. قارجىلاندىرۋدىڭ ماقساتى – ءارتۇرلى ەكولوگيالىق قوزعالىستاردىڭ قاتىسۋىمەن كونفەرەنسيالار ۇيىمداستىرۋ جانە قوعامدىق ناۋقاندار سەرياسىن وتكىزۋ. 1 قاراشادا ۆاديم ني مەن سەرگەي كۋراتوۆتىڭ قاتىسۋىمەن وتكەن «كوكجايلاۋ» جوباسىنا قاتىستى كونفەرەنسيانى «ۇيدەگى تازالىق» قوعامدىق قورى قارجىلاندىرعان بولۋى ابدەن مۇمكىن.
كۋراتوۆ، سپاتار جانە ەرەكەنوۆتىڭ باسشىلىعىنداعى ۇيىمداردان باسقا تاعى «قازاقستاننىڭ جاستارعا ارنالعان اقپاراتتىق قىزمەتى» اتتى ۇيىم بار، وعان يرينا مەدنيكوۆا باسشىلىق ەتەدى، سونىمەن قاتار، يرينا مەدنيكوۆا دا «كوكجايلاۋ» جوباسىنا قاتىستى پرەسس-كونفەرەنسياعا قاتىسقان بولاتىن. جانە 2017 جىلى العان 66 550 اقش دوللارى كولەمىندەگى قاراجاتتىڭ بۇل جەرگە ەش قاتىسى جوق. دەمەك، قوماقتى قارجى تولەنگەن «جاسىل قورعاۋشىلار» وزدەرى ويلاعانداي فيلانتروپ بولماي شىقتى. قارسىلاستاردىڭ بارلىق ارگۋمەنتتەرى مەن ەموسيالارىن شەتكە ىسىرا تۇرىپ، تەك فاكتىلەردى قالدىراتىن بولساق، وزدەرىنىڭ شىنايى نيەتتەرى مەن رەسۋرستارىن جاسىرىپ وتىرعان «قايىرىمدىلىققا» يە بولامىز. بۇل گرانتتار قازاقستاندا ءارتۇرلى اقپاراتتىق كامپانيالارعا باعىتتالعان دەپ ايتۋعا ابدەن بولادى، ال كوكجايلاۋ – ول ءجاي عانا سىلتاۋ، ەگەر بولىپ جاتقان جاعدايدى تالداپ قارايتىن بولساق، قارسىلاستاردىڭ «ۋايىمى» تىم شەكتەن شىعىپ، قوعامدىق قارسىلىق رەتىندە كورىنىس تاۋىپ جاتقانىن بايقاۋعا بولادى.
«كوكجايلاۋ» جوباسىنا قاتىستى جەكە بەلسەندىلەردىڭ ماقساتى – تاۋ كۋرورتىن تالقىعا سالۋ ەمەس، قالانىڭ الەۋمەتتىك-ساياسي جاعدايىن جانە ولاردىڭ مىندەتتەرىن ودان ءارى تەرەڭدەتە ءتۇسۋ...
