قازاقستان چەمپيوناتىنا ەلىمىزدىڭ بارلىق وڭىرىنەن 206 بوكسشى قاتىسادى دەپ جوسپارلانعان. سونداي-اق الەمدىك دودالاردا توپ جارىپ جۇرگەن قايرات ەرالييەۆ، ۆاسيليي ليەۆيت، ءابىلحان امانقۇل، اسلانبەك شىمبەرگەنوۆ، بەكداۋلەت يبراگيموۆ، ابىلايحان ءجۇسىپوۆ، تەمىرتاس ءجۇسىپوۆ، ءىلياس سۇلەيمەنوۆ، ەرىك ءالجانوۆ جانە اعايىندى تولتايەۆتار دا ب ا ق سىناماق.

جارىس اقتاۋ قالاسىنىڭ 55 جىلعى اياسىندا وتكەلى جاتقان جارىسقا  وليمپيادا چەمپيوندارى باقتيار ارتايەۆ، ەرماحان يبرايموۆ، سەرىك ساپييەۆ، جۇلدەگەرلەرى قانات يسلام، بولات ءجۇمادىلوۆ، سەرىك ەلەۋوۆ، الەم چەمپيوندارى گاليب دجاباروۆ، ءبىرجان جاقىپ، ازيا ويىندارىنىڭ چەمپيونى نۇرجان كارىمجانوۆ ارنايى قوناق بوپ كەلمەك.

11 قاراشا كۇنى جارىس الدىندا باسپا ءسوز وتىرىسى ءوتتى. وعان ق ر بوكستان ۇلتتىق قۇراما كومانداسىنىڭ باس جاتتىقتىرۋشىسى مىرزاعالي ايتجانوۆ، ماڭعىستاۋ وبلىسى بويىنشا بوكس فەدەراسياسىنىڭ پرەزيدەنتى مارات ورمانوۆ، ماڭعىستاۋ وبلىستىق سپورت باسقارماسى باسشىسىنىڭ م.ا. نۇربەك قارابالايەۆ قاتىستى.

-بيىل ماڭعىستاۋدا 600 سپورتتىق شارا جوسپارلانعان بولاتىن. ونىڭ ىشىندە 53 حالىقارالىق جانە رەسپۋبليكالىق دەڭگەيدەگى جارىستار. ەڭ ماڭىزدىلارىنىڭ ءبىرى – وسى بوكستان قازاقستان چەمپيوناتى. بۇل جارىس ماڭعىستاۋ تاريحىندا ءبىرىنشى رەت وسى وڭىردە ءوتىپ جاتىر. وسى چەمپيوناتتان كەيىن قازاقستاننىڭ قۇراماسى قۇرالاتىن بولادى، - دەيدى ماڭعىستاۋ وبلىستىق سپورت باسقارماسى باسشىسىنىڭ م.ا. نۇربەك قارابالايەۆ.

چەمپيون اتانعان بوكسشىلار 2019 جىلى وتەتىن ازيا جانە الەم چەمپيوناتتارىنا قاتىسۋ مۇمكىندىگىنە يە بولادى. ال الەم چەمپيوناتىندا 2020 جىلعى توكيو وليمپياداسىنىڭ جولداماسى ساراپقا سالىنادى. جارىس «ماڭعىستاۋ ارەنا» سپورت كەشەنىندە 12-18 قاراشا ارالىعىندا وتەدى.