ماڭعىستاۋ وبلىسى اكىمىنىڭ اپپارات جيىنىندا ەنەرگەتيكا جانە تۇرعىن ۇي-كوممۋنالدىق شارۋاشىلىق باسقارماسى باسشىسىنىڭ مىندەتىن اتقارۋشى جاندوس ساليموۆ ەنەرگيا تيىمدىلىگىمەن ەنەرگيا ۇنەمدەۋدى ارتتىرۋ شارالارى تۋرالى ماسەلەنى مالىمدەدى.

«اعىمداعى جىلى «ەلەكتر ەنەرگياسىن جانە ەنەرگيا ۇنەمدەۋدى دامىتۋ ينستيتۋتى» (قازاقەنەرگوساراپتاما) اق-مەن بىرىگىپ قاراقيا اۋدانىنىڭ 2 ءبىلىم بەرۋ ۇيىمىندا (جەتىباي سەلوسى №3 مەكتەپ–84 ميلليون تەڭگە، مۇنايشى سەلوسى بالاۋسا بالا-باقشا–24 ميلليون تەڭگە) قۇنى 108 ميلليون تەڭگە قۇرايتىن ەنەرگيا ۇنەمدەۋ تەحنولوگيالارىن پايدالانا وتىرىپ جوندەۋ جۇرگىزىلدى. ناتيجەدە 45%-عا دەيىن ەلەكتر قۋاتى جانە 30%- عا دەيىن جىلۋ ۇنەمدەلدى»، - دەدى ول.

سونداي-اق، وسى باعىتتاعى جۇمىستاردى ودان ءارى قاراي ىسكە اسىرۋ ءۇشىن «ەلەكتر ەنەرگياسىن جانە ەنەرگيا ۇنەمدەۋدى دامىتۋ ينستيتۋتى» (قازاقەنەرگوساراپتاما) اق-مەن بىرگە اقتاۋ قالاسىنداعى 22 مەكتەپتىڭ جارىق شامدارى جۇيەلەرىن پايدالانۋ جانە جاڭارتۋ كونسەپسياسى جاساقتالعانىن جەتكىزدى. قۇنى 548،209 ميلليون تەڭگەنى قۇرايتىن جوباعا سايكەس، 22 072 دانا جارىقشام، 48 770 دانا ەلەكتر شامداردى اۋىستىرۋ قاراستارىلعان. ناتيجەسى: جىلىنا 35،025 ميلليون تەڭگە قاراجاتتى نەمەسە 44،68% دەيىن ەلەكتر قۋاتىن ۇنەمدەۋگە مۇمكىندىك بەرەدى.

ماڭعىستاۋ وبلىسى اكىمى باسپا ءسوز قىزمەتىنىڭ مالىمەتىنشە، بۇگىنگى تاڭدا  پيلوتتىق تارتىپتە قوسىلاتىن تۇرعىن ۇيلەردە (15 ىقشام اۋداندا 10 كقتۇ) جىلۋ، ەلەكتر ەنەرگياسى، سۋ ءۇشىن ورتاق ۇيلىك ەسەپكە الۋ اسپاپتارى ورناتىلىپ، ەسەپكە الۋ اسپاپتارىنان دەرەكتەردى ونلاين رەجيمدە الۋ ىسكە اسىرىلىپ وتىر. سونداي-اق اعىمداعى جىلدىڭ اياعىنا دەيىن دەرەكتەردى ونلاين رەجيمدە بەرۋ مۇمكىندىگى بار جانە اۆتوماتتاندىرىلعان جىلۋ پۋنكتىن ورناتۋ جوسپارلانۋدا. بۇل جىلۋ بەرۋ ماۋسىمى كەزىندە 11،0 ميلليون تەڭگە ۇنەمدەۋگە مۇمكىندىك بەرەدى.