اقتاۋدا بۋ-گازدى قوندىرعى سالىنباق

اقتاۋ قالاسىنا ىرگەلەس ءومىرزاق، پريمورسكيي، راۋان، شىعىس-3 ش/ا، مۇنايلى اۋدانىنىڭ داۋلەت، قىزىلتوبە ەلدىمەكەندەردە 1 اقپاننان باستاپ تاريف 22،72 تەڭگەدەن 19،42 تەڭگەگە تومەندەتىلگەن. بۇل جونىندە «ەنەرگيا ۇنەمدەۋ جوبالارى بويىنشا جۇمىستاردىڭ ناتيجەلەرى، تاريفتەر» تاقىرىبىندا وتكەن بريفينگتە ءمالىم بولدى.   

-نەگىزگى شىعىندار گازعا بايلانىستى بولعاندىقتان، ۇكىمەت باسشىسى باقىتجان ساعىنتايەۆتىڭ وتكەن جىلعى وڭىرگە ساپارى بارىسىندا وسى ماسەلەگە ءمان بەرىلىپ، گاز باعاسى 1 شىلدەدەن باستاپ 19 833 تەڭگەدەن (1000 تەكشە مەترگە) 19 121 تەڭگەگە ءتۇسىرىلدى. ناتيجەسىندە بىزدەگى نەگىزگى ءوندىرۋشى ءىرى كاسىپورىن «ماەك-قازاتومونەركاسىپ» ج ش س 1 شىلدەدەن باستاپ ءوڭىرىمىزدىڭ بارلىق تۇرعىندارى ءۇشىن ءتاريفتى 8 پايىزعا تومەندەتتى. بۇرىن تاريف 14،18 تەڭگە بولسا، قوسىمشا قۇن سالىعىنسىز 13،12 تەڭگەگە ازايىپ، وبلىسىمىزعا جاقسى اسەرىن بەردى، — دەيدى ەنەرگەتيكا جانە تۇرعىن ءۇي كوممۋنالدىق شارۋاشىلىق باسقارماسى باسشىسىنىڭ ورىنباسارى نۇرلان ورىنباساروۆ.

جالپى بۇل جۇمىستار الداعى ۋاقىتتا دا جالعاسىن تاپپاق. ماسەلەن، باسشىنىڭ ورىنباسارى بۋ-گازدى قوندىرعى قۇرىلىسى سالىناتىنىن اتاپ ءوتتى.

 -«ماەك-قازاتومونەركاسىپ» ج ش س قۋاتى 250 مۆت بولاتىن بۋ-گازدى قوندىرعىسىن سالۋدى قولعا الدى. بۇگىنگى تاڭدا كونكۋرستىڭ العاشقى ءبولىمى اياقتالىپ، ينۆەستور انىقتالدى. ءقازىر ۇسىنىستارى قارالىپ جاتىر. جوبا قۇنى 63 ملرد تەڭگە. بايقاۋ كەلەر جىلى اياقتالادى، — دەيدى نۇرلان بازارباي ۇلى.