اقتاۋدا «جارقىن بولاشاققا – جاڭعىرۋ جولىمەن» اتتى ماڭعىستاۋ وبلىسى قازاقستان حالقى اسسامبلەياسىنىڭ كەزەكتى سەسسياسى ءوتتى. وعان قازاقستان حالىقتارى اسسابلەياسى ءتوراعاسىنىڭ ورىنباسارى تۆاريوناس ۆيتاليي يونو، ق ر پرەزيدەنتى اكىمشىلىگى قازاقستان حالقى اسسامبلەياسى حاتشىلىعىنىڭ سەكتور مەڭگەرۋشىسى ءنازيپا شاناي، «قوعامدىق كەلىسىم» وكىلدەرى، رەسپۋبليكا بويىنشا دەلەگاتتار، ءماسليحات حاتشىلارى مەن دەپۋتتاتارى، اۋدان جانە قالا اكىمدەرى قاتىستى.  

 «ءبىزدىڭ مىندەتىمىز – قازاقستان حالقى اسسامبلەياسىنىڭ ءرولىن ارتتىرۋ جانە ەلىمىزدەگى قوعامدىق كەلىسىم مەن تۇراقتىلىقتى ساقتاۋ. سوندىقتان، ءاربىر جاساعان جۇمىستارىمىزعا جاۋاپتىلىقپەن قاراۋعا ءتيىستىمىز. دامىعان 30 ەلدىڭ قاتارىنا ەنۋگە ۇمتىلعان تاۋەلسىز ەلىمىزدىڭ العا قادام باسقانىندا سىزدەردىڭ ءارقايسىلارىڭىزدىڭ ۇلەستەرىڭىز بار! سول ءۇشىن دە سىزدەرگە ەرەكشە  العىسىمدى بىلدىرەمىن. «بىرلىگى بار ەلدىڭ، تىرلىگى دە بەرەكەلى بولادى» - دەگەن دانا حالقىمىز. جۇمىلىپ جاساعان ءىسىمىزدىڭ ناتيجەلى بولارى انىق»، - دەگەن ماڭعىستاۋ وبلىسى اكىمى ەرالى توعجانوۆ اسسامبلەيا اياسىندا وڭىردە جاسالعان جۇمىستاردى قورىتىندىلادى. وبلىستاعى تۇراقتىلىقتى ساقتاۋ مەن ەل دامۋىنا ايتۋلى ۇلەس قوسىپ جۇرگەن وڭىردەگى بارلىق ەتنوس وكىلدەرىنا العىسىن ايتتى.  

سەسسيا  بارىسىندا قازاقستان حالقى اسسامبلەياسى ءتوراعاسىنىڭ ورىنباسارى ۆيتاليا يونوتۆاريوناس، «قىرعىزستان-استانا» قوعامدىق بىرلەستىگىنىڭ ءتوراعاسى ش. يسمايلوۆ، «بۋلگار» تاتار ەتنومادەني بىرلەستىگىنىڭ وكىلى، StreetWorkaut 2018 جىلالەم چەمپيونى ي.ياگيايەۆ، جيھاز شىعارۋ سەحىنىڭ ديرەكتورى ا.چيگين، ءسوز سويلەدى.

ش. ەسەنوۆ اتىنداعى كمتيۋ «قازاقستان حالقى اسسمابلەياسى»  كافەدراسىنىڭ مەڭگەرۋشىسى ا.مامبەتوۆا ەلباسى جولداۋىن تالقىلاپ، قحا جانىنداعى عىلىمي-ساراپتامالىق توپتىڭ اتقارعان جۇمىستارىنا توقتالدى.

«بۇگىندە وبلىستا 20 ەتنومادەني بىرلەستىك بار. ولار ەلىمىزدىڭ قوعامدىق ومىرىنە، ايماقتا وتەتىن شارالارعا بەلسەندى قاتىسادى. بيىل اقتاۋدا جاڭا اسسامبلەيا عيماراتى پايدالانۋعا بەرىلدى. «رۋحاني جاڭعىرۋ» باعدارلاماسى اياسىندا وبلىستىق اسسامبلەيا «ۇلى دالا ەلى مۇراسى» تاريحي اكسياسىن، «اسار. جومارت جۇرەك» قايىرىمدىلىق اكسياسىن وتكىزدى. جىل سايىن قايىرىمدىلىق ماقساتتا مەسەناتتار فورۋمىن وتكىزىپ كەلەدى. ەلباسى جولداۋىن جۇزەگە اسىرۋدا بەلسەندىلىك تانىتاتىن قحا كەڭەسىنىڭ 6 قازان كۇنى استانادا كەڭەيتىلگەن وتىرىسى ءوتتى. جولداۋدا كورسەتىلگەن ناقتى باعىتتار بويىنشا جۇمىستار جوسپارلاندى»، - دەدى ۆيتاليي يونو ءوز سوزىندە سونداي-اق ول استانا قالاسىنىڭ 20 جىلدىعىنا  ماڭعىستاۋ وبلىسى تارتۋ ەتكەن اسسامبلەيا عيماراتى ءۇشىن استانالىقتار مەن اسسامبلەيا مۇشەلەرى اتىنان العىسىن ءبىلدىردى.

ال «ۆايناح» شەشەن جانە ينگۋش ەتنو مادەني بىرلەستىگىنىڭ وكىلى د. ەليمحانوۆ: «كەلەسى جىلدى ەلباسىمىز «جاستار جىلى» دەپ جاريالاعانى بەلگىلى، بۇل جاستارعا كوبىرەك كوڭىل بولىنەدى دەگەن ءسوز. سوندىقتان ءبىز ءوز ەڭبەگىمىزبەن، بىلىمگە قۇشتارلىعىمىزبەن جانە ناقتى ىستەرىمىزبەن ەلىمىزدىڭ داڭقىن شىعارۋعا مىندەتتىمىز! بىزگە تاۋەلسىزدىكتى ساقتاۋ جانە نىعايتۋ ءۇشىن ەرەكشە جاۋاپكەرشىلىك جۇكتەلدى! تاۋەلسىزدىگىمىزدىڭ تۇعىرى – مەمتەلكەتتىك ءتىلىمىز. ەلباسىمىز ايتقانداي، مەملەكەتتىك ءتىلىمىز بۇل – تۋ، ەلتاڭبا، ءانۇران سياقتى ۇلتىمىزدىڭ سيمۆولى، ەلىمىزدىڭ بولاشاعى. سوندىقتان 2016 جىلى قازاق تىلىنە دەن قويىپ، ۇيرەنە باستادىم. ويتكەنى ءبىز وسىلاي عانا مادەنيەتىمىزدى، ءداستۇرىمىزدى، تاۋەلسىزدىگىمىزدى ساقتاي الامىز»، - دەدى ءوز بايانداماسىندا.

سەسسيا سوڭىندا وبلىس اكىمى ە.توعجانوۆ بەلسەندى قوعامدىق قىزمەتى، ۇلتتىق بىرلىكتى نىعايتۋعا جانە قوعامنىڭ رۋحاني دامۋىنا قوسقان ۇلەسى ءۇشىن وبلىستىق ەتنومادەني بىرلەستىكتەر مۇشەلەرىنە العىس حات تابىستادى.