وبلىس اكىمى ەرالى لۇقپان ۇلى ماڭعىستاۋ وبلىستىق قازاقستان حالقى اسسامدلەياسىنىڭ ءححىى سەسسياسى وترىسىندا وسىلاي دەدى. ول ماڭعىستاۋ جەرىندە ۇلت كوشباسشىسىنىڭ «رۋحاني جاڭعىرۋ» باعدارلاماسى مەن «پرەزيدەنتتىڭ بەس الەۋمەتتىك باستاماسى» ۇندەۋىنە قاتىستى جۇرگىزىلىپ جاتقان اۋقىمدى جۇمىستارعا توقتالدى.

باسشىنىڭ ايتۋىنشا، «7-20-25» باعدارلاماسى شەڭبەرىندە وبلىس ورتالىعىندا 22 جەكە قۇرىلىس كومپانيالارى 2300 پاتەرلىك 15 تۇرعىن ءۇي كەشەنىنىڭ قۇرىلىستارىن جۇرگىزىپ جاتىر. (1 شارشى مەتردىڭ ورتاشا قۇنى 178 مىڭ تەڭگە، 140 مىڭنان 240 مىڭعا دەيىن).

«ەكىنشى دەڭگەيلى بانكتەر 335 ءوتىنىمدى قاراپ 1،8 ملرد. تەڭگەگە 216 نەسيەنى ماقۇلدادى (1،4 ملرد. تەڭگەگە 170 نەسيە بەرىلدى). جىل اياعىنا دەيىن«7-20-25» باعدارلاماسى بويىنشا 900 پاتەر تاپسىرىلادى، - دەدى ول.

سونداي-اق «7-20-25» باعدارلاماسىنىڭ تالاپتارىنىڭ قولجەتىمدىلىگىن جاقسارتۋ ماقساتىندا، باستاپقى تولەمدى تومەندەتۋ بويىنشا ارنايى مەحانيزم جاساقتالدى. مەحانيزم «بانكسەنتركرەديت» پەن «فورتە بانك» تاراپىنان قولداۋ تاۋىپ، بانكتەر باسقارماسى مەن «باسپانا» اق-نا كەلىسۋگە جولدانعان.