اقتاۋداعى اشيحارا-كاراتەدەن ءاچ-دا قازاقستان ءۇشىنشى ورىن الدى

/uploads/thumbnail/20181130151143337_small.jpg

 

اقتاۋداعى اشيحارا-كاراتەدەن ءاچ-دا قازاقستان ءۇشىنشى ورىن الدى

اشيحارا-كاراتەدەن الەم چەمپيوناتى 8-10 قاراشا كۇندەرى «ماڭعىستاۋ ارەنا» سپورت كەشەنىندە ءوتتى. وعان الەمنىڭ 20 ەلىنەن 243 سپورتشى قاتىستى. سايىس ناتيجەسىندە رەسەي قۇراماسى كوش باسىنا شىقسا، رۋمىنيا سپورتشىلارى ەكىنشى ورىن الدى. ال ۇزدىك ۇشتىكتى جەرلەستەرىمىز قورىتىندىلادى.

ايتا كەتەيىك، اشيحارا-كاراتەدەن VI الەم چەمپيوناتىنا ۇيىمداستىرۋ كوميتەتىنىڭ مەنەدجەرى يگور وتاروۆ، «اشيحارا-كاراتە قوعامداستىعى–جاڭا حالىقارالىق كاراتە» ۇيىمىنىڭ باسشىسى كانتو حيدەنوري اشيحارا جانە سپورتشىلار مەن جاتتىقتىرۋشىلار قاتىستى

-الەم چەمپيوناتى ەڭ الدىمەن سالاۋاتتى ءومىر سالتىن ناسيحاتتاۋ شاراسى. سوندىقتان مۇنداي شاراعا باسشىلىق نەمەسە سپورتشىلار عانا ەمەس، قوعام بوا اتسالىسۋىمىز قاجەت. مەن بۇعان دەيىن مۇنداي جوعارى دەڭگەيدە ۇيىمداستىرىلعان چەمپيونات كورمەدىم دەسەم ارتىق ايتقانىم ەمەس. تولىقتاي زامانعا ساي جاساقتالعان، قابىرعالاردىڭ ءبارى اشيحارا-كاراتە جايلى سويلەپ تۇرعانداي. قايدا قاراسام دا ماعان اكەمنىڭ جانارىن كورگەندەي بولامىن. بۇل سايىستان كەيىن ءسىزدىڭ ەلدە كاراتە سپورتىنا قىزىعۋشىلار سانى ارتادى دەپ ۇمىتتەنەمىن، — دەيدى اشيحارا-كاراتە حالىقارالىق ۇيىمىنىڭ جەتەكشىسى حيدەنوري اشيحارا.

كاراتەشىلەردىڭ بۇل سايىسى قازاقستاندا عانا ەمەس، ازيا اۋماعىندا العاش رەت ءوتتى. وعان اۋعانستان، وزبەكستان، ءازىربايجان، دانيا كاراتەشىلەرى قاتىستى. بالاندين الەكساندر، نۋرگازىيەۆ ميراس، زۋەنكو دامير، رومانوۆا سوفيا سىندى اقتاۋلىق سپورتشىلار جۇلدەگەرلەر قاتارىنان كورىندى.

پىكىر قالدىرۋ

قاتىستى ماقالالار