ماڭعىستاۋ اكىمى مەملەكەتتىك ورگاندارعا تاريفتەر مەن باعالاردى تومەندەتۋدى تاپسىردى

ماڭعىستاۋ وبلىسىنىڭ اكىمى ەرالى توعجانوۆ كوممۋنالدىق قىزمەت تاريفتەرى، ازىق-تۇلىك، دارى-دارمەك، مەديسينا، ءبىلىم بەرۋ، قىزمەت كورسەتۋ سالاسىنداعى اقىلى قىزمەتتەر ت.ب. ماسەلەلەر بويىنشا وتكەن جيىندا مەملەكەتتىك ورگاندارعا ءبىرقاتار ناقتى تاپسىرمالار بەردى.

سونىڭ ىشىندە ەنەرگەتيكا جانە تۇكش باسقارماسىنا كوممۋنالدىق قىزمەتتەردىڭ تاريفتەرى جونىندەگى كەڭەس قۇرۋ جانە ونىڭ قۇرامىنا بارلىق مۇددەلى تاراپتاردى ەنگىزۋ تاپسىرىلدى. اۋداندار مەن قالا اكىمدەرىنە ۆەدومستۆولىق مەملەكەتتىك ۇيىمدار مەن پكسك (مىسالى قوقىس، ليفتىلەر شىعارۋ، تۇرعىن ۇيگە قىزمەت كورسەتۋ جانە ت.ب.) تاريفتەردى تومەندەتۋ جونىندەگى ناقتى شارالاردى قابىلداۋ جونىندەگى جۇمىس توپتارىن قۇرۋ تاپسىرىلدى. بۇل تۋرالى وبلىس اكىمىنىڭ باسپا ءسوز قىزمەتى حابارلادى.

*دەنساۋلىق ساقتاۋ، ءبىلىم، جولاۋشىلار كولىگى جانە اۆتوجولدار، قۇرىلىس باسقارمالارى اۋداندار مەن قالا اكىمدەرىمەن بىرلەسىپ، جەتەكشىلىك ەتەتىن سالالاردا باعالار مەن تاريفتەردى تومەندەتۋ جونىندە ءوزارا ءىس-قيمىل جانە ناقتى شارالار ازىرلەۋ جونىندە جۇمىس توپتارىن قۇرسىن.

*كاسىپكەرلىك جانە ساۋدا، اۋىل شارۋاشىلىعى باسقارمالارى اۋداندار مەن قالا اكىمدەرىمەن بىرلەسىپ، ججم، ازىق-تۇلىك ونىمدەرى، اسىرەسە مەرەكە الدىنداعى جانە مەرەكە كۇندەرى الەۋمەتتىك ماڭىزى بار ازىق-تۇلىك ونىمدەرىنە باعانىڭ نەگىزسىز وسۋىنە جول بەرمەۋ ءۇشىن تۇراقتى جانە قاتاڭ مونيتورينگتى قامتاماسىز ەتۋ.

*اۋدان جانە قالا اكىمدەرى تۇراقتى تۇردە  ازىق-تۇلىك ونىمدەرىن، جەرگىلىكتى وندىرۋشىلەردىڭ ونىمدەرىن جىلجىتۋ جانە ساتۋ بويىنشا جاردەم كورسەتە وتىرىپ، ولاردىڭ اعىمداعى جاعدايىن قاداعالاسىن.

*ءىرى كومپانيالاردىڭ باسشىلارى 2019 جىلعى ساتىپ الۋ جوسپارىندا جەرگىلىكتى تاۋار وندىرۋشىلەردىڭ تاۋارلارىن، جۇمىستارىن، قىزمەتتەرىن بارىنشا ساتىپ الۋدى كوزدەسىن. ولار بولماعان جاعدايدا جانە باسقا قالالارداعى ۇيىمداردان تاۋارلاردى، جۇمىستاردى، قىزمەتتەردى ساتىپ الۋ، وبلىس اۋماعىندا باسقا قالالارداعى كومپانيالاردىڭ فيليالدارىن تىركەۋدى قامتاماسىز ەتسىن.

*مونوپولياعا قارسى دەپارتامەنت نارىق  قاتىسۋشىلارىنىڭ تەرىس پيعىلدى ىس-ارەكەتتەرىنە دەر كەزىندە دەن قويۋ، باعانى نەگىزسىز كوتەرۋدى ءسوز بايلاسۋعا جول بەرمەۋ.

*ۇلتتىق بانكتىڭ فيليالىنا ەكىنشى دەڭگەيدەگى بانكتەرمەن، "قازپوشتا" اق فيليالىمەن بىرلەسىپ، بانكتىك قىزمەت كورسەتۋ سالاسىنداعى تاريفتەرىن تومەندەتۋ، اۋىلدىق جەرلەردە ولاردىڭ فيليالدارىنىڭ قاتىسۋىن كەڭەيتۋ جونىندە ناقتى شارالار قابىلداسىن.