«سيفرلى قازاقستان» باعدارلاماسى اياسىندا وبلىستا ەكونوميكانىڭ بارلىق سالاسىن قامتيتىن سيفرلاندىرۋدىڭ جول كارتاسى بەكىتىلدى. وبلىستاعى ءبىلىم جانە دەنساۋلىق ۇيىمدارىنىڭ بارلىعى كەڭ جولاقتى ينتەرنەتپەن 100% قامتىلدى. بۇل جونىندە ماڭعىستاۋ وبلىسىنىڭ اكىمى ەرالى توعجانوۆ مالىمدەدى.

-قوعامدىق قاۋىپسىزدىكتى قامتاماسىز ەتۋ سالاسىندا «ءقاۋىپسىز قالا» جوباسى اياسىندا 600 بەينەباقىلاۋ كامەرالارى ورناتىلادى. پيلوتتىق رەجيمدە اقتاۋ قالاسىندا 10 ءۇي «ە-شاڭىراق» اقپارتتىق جۇيەسىنە قوسىلدى. اتالعان ۇيلەردە جىلۋ، سۋ، ەلەكتردىڭ ناقتى ەسەبىن جۇرگىزەتىن اۆتوماتتاندىرىلعان جۇيە ورناتىلىپ، پريبورلاردان كورسەتكىشتەر ونلاين تارتىبىندە الىنادى. «قازاقتەلەكوم» كومپانياسىنىڭ قولداۋىمەن وبلىستىڭ بارلىق ەلدى مەكەندەرى ينتەرنەت جەلىسىمەن تولىقتاي قامتىلدى، ونىڭ جىلدامدىعى ارتتىرىلدى، - دەدى ول.

سونىمەن قاتار وندىرىستىك كاسىپورىندار (مۇناي كومپانيالارى) ءوندىرۋ پروسەسىن ارتتىرۋ جانە اۆتوماتتاندىرۋ ماقساتىندا كەن ورىندارىندا سيفرلىق ەلەمەنتتەر ەنگىزگەن.

ايتا كەتەيىك، رەسپۋبليكادا وبلىسىمىز ءبىرىنشى بولىپ 1 قازاننان باستاپ تولىقتاي سيفرلىق حابار تاراتۋعا كوشتى.