وبلىس اكىمى  ەرالى توعجانوۆ كوممۋنالدىق قىزمەت تاريفتەرى، ازىق-تۇلىك، دارى-دارمەك، مەديسينا، ءبىلىم بەرۋ، قىزمەت كورسەتۋ سالاسىنداعى اقىلى قىزمەتتەر، قۇرىلىس ماتەريالدارى مەن 1 شارشى مەتر تۇرعىن ءۇي باعاسى، ججم تاريفتەرى، بايلانىس قىزمەتتەرى جانە باسقا ماسەلەلەر بويىنشا كەزدەسۋ وتكىزدى.

ايماق باسشىسى قوعام بەلسەندىلەرىنە، ۇكىمەتتىك ەمەس ۇيىمدارعا، ءىرى ونەركاسىپتىك كاسىپورىندار وكىلدەرىنە، مەملەكەتتىك باسقارمالار مەن دەپارتامەنتتەرگە،قۇقىق قورعاۋ ورگاندارىنىڭ باسشىلارىنا باعانى تومەندەتۋ جولدارىن تالقىلاۋدى جانە  باعانى تومەندەتۋگە كەدەرگى كەلتىرەتىن پروبلەمالىق ماسەلەلەردى شەشۋگە ارنالعان جوسپار ازىرلەۋدى ۇسىندى.

«13 قاراشا كۇنى پرەمەر مينيسترمەن وتكەن ۇكىمەت وتىرسىندا، ەلباسى تاپسىرماسىن ورىنداۋ ماقساتىندا، 2019 جىلدىڭ 1 قاڭتارىنان  باستاپ  تاۋارلاردىڭ، جۇمىستار مەن كورسەتىلەتىن قىزمەتتەردىڭ باعالارىن جانە تاريفتەردىڭ قۇنىن تومەندەتۋ تۋرالى تاپسىرما بەرىلدى. باعا بەلگىلەۋ كەزىندە ەسكەرىلەتىن نەگىزسىز شىعىنداردى الىپ تاستاۋ  ەسەبىنەن باعالار مەن تاريفتەردى تومەندەتۋدى  قامتاماسىز ەتۋ مىندەتى قويىلدى. حالىق كەڭەستەردىڭ، جۇمىس توپتارىنىڭ، مەملەكەتتىك ورگانداردىڭ، قالا جانە اۋدان اكىمدەرىنىڭ، بيزنەس وكىلدەرىنىڭ،  ۇكىمەتتىك ەمەس ۇيىمداردىڭ جانە مونوپوليستەردىڭ جۇمىستارى تۋرالى حاباردار  بولۋى قاجەت. اتالعان توپ وكىلدەرى پروبلەمالىق ماسەلەلەردى اشىق رەجيمدە تالقىلاپ، ونى شەشۋ جولدارىن ۇسىنۋ قاجەت. ءقازىر ءبىز 1 جەلتوقسانعا دەيىن قانداي تاۋارلار مەن قىزمەتتەرگە، 2019 جىلدىڭ 1 قاڭتارىنان باستاپ ناقتى باعالار مەن تاريفتەردى تومەندەتە الاتىنىمىزدى انىقتاپ الۋىمىز كەرەك»، - دەدى ەرالى توعجانوۆ.

«باحىت» پيك باسشىسى وبلىس اكىمىنە اقتاۋ قالاسى بويىنشا اعىمداعى ماسەلەلەر ءتىزىمىن بەردى. ونىڭ ىشىندە جوندەۋ جۇمىستارىن، اۋىستىرۋدى  قاجەت ەتەتىن نىساندارعا جانە كارىز جۇيەسىندەگى ماسەلەلەرگە توقتالدى سونداي-اق جاز مەزگىلىندە ىستىق سۋمەن قامتاماسىز ەتۋ ماسەلەسى مەن جۇمساق شاتىردى مەتاللعا اۋىستىرۋ قاجەتتىلىگىن ايتتى. ءوڭىر باسشىسى ەرالى توعجانوۆ  جۇمىس توبىنا ۇسىنىلعان ماسەلەلەرمەن اينالىسۋدى تاپسىردى.

نيكار رافيكوۆا كولىك تاريفتەرىنىڭ باعاسىنىڭ وسۋىنە اسەر ەتەتىن وزەكتى ماسەلەلەردى ايتتى. سونداي-اق ەلەكتر ەنەرگياسىن تاراتۋ جانە جەتكىزۋ ءۇشىن اقشا الاتىن بارلىق كومپانيالارعا تەكسەرۋ جۇرگىزۋدى ۇسىندى.